Erling Holand “Real” yoki “Barselona”ga o‘tmoqchi. Futbolchi boshqa variantlarni ko‘rib chiqmaydi

“Borussiya D” hujumchisi Erling Holand faoliyatini Ispaniyada davom ettirishni xohlamoqda.

Xabarga ko‘ra, hujumchi o‘zini La Ligada sinab ko‘rmoqchi. Shuning uchun “Real” yoki “Barselona” variant uni ko‘proq e’tiborini tortmoqda.

Norvegiyalik hujumchining atrofidagilari unga “Manchester Yunayted”ga o‘tishni maslahat beryapti. “Shaharliklar” ispan jamoalaridan ko‘ra ko‘proq maosh va’da qilgan. Bir paytlar “Manchester Siti” sharafini himoya qilgan Erlingning otasi Alf-Inge Holand ham o‘g‘lini Manchesterga o‘tishini xohlaydi. Ammo Holand Ispaniyaga borishni ma’qul ko‘rmoqda.

Avvalroq “Real” Erling Holand bilan dastlabki kelishuvga erishgani, bu kelishuvdan keyin Holandning vakillari boshqa klublar bilan muzokara olib borolmasligi xabar qilingandi. “Barselona” esa hujumchini klubning eng ko‘p maosh oluvchi futbolchisiga aylantirmoqchi ekani aytilgandi. Kataloniyaliklar prezidenti Xoan Laporta va Mino Rayola Erling Holand transferini muhokama qilgani ham ma’lum bo‘lgandi.

21 yoshli hujumchi joriy mavsum “Borussiya D” safida 20 ta o‘yin o‘tkazib, 23 ta golga mualliflik qildi.