Futbol bo‘yicha Italiya A Seriyasining 29-turidan o‘rin olgan qator uchrashuvlar 13-mart, yakshanba kuni bo‘lib o‘tdi.
“Roma” safarda “Udineze”ga qarshi bahs olib bordi. 15-daqiqada Nauel Molina mezbonlarni oldinga olib chiqdi. Uchrashuv yakunlanishi arafasida Eldor Shomurodov bilan kurashda raqib futbolchisi o‘z jarima maydonida qo‘li bilan harakat qildi. Natijada belgilangan penaltini Lorenso Pellegrini golga aylantirdi.
O‘zbekistonlik futbolchi o‘yinning 65-daqiqasida Temmi Abraham o‘rniga maydonga tushgandi.
“Roma” 48 ochko bilan turnir jadvalining 6-pog‘onasida bormoqda. “Udineze” (30) 14-o‘rindan joy olgan.
“Napoli” Viktor Osimhenning dubli evaziga g‘alaba qozongan bo‘lsa, “Atalanta” autsayder “Jenoa”ni yenga olmadi.
A Seriya musobaqa jadvali, o‘yinlar taqvimi va to‘purarlar ro‘yxati shu yerda — ko‘rish.
A Seriya
29-tur bahslari
13-mart, yakshanba
“Udineze” — “Roma” 1:1
Gollar: 1:0 – 15 Molina, 1:1 – 90+4, penalti Pellegrini.“Udineze”: Silvestri, Molina, Mari, Rodrigo Bekao, Peres (Zegelar, 82), Udodji, Yayalo, Pereyra, Makengo (Samarjich, 87), Deulofeu (Pussetto, 87), Betu.
“Roma”: Ruy Patrisiu, Karsdorp (Veretu, 73), Smolling, Manchini (Karles Peres, 85), Rojer, Zalevski (Afena-Gyan, 65), Serjiu Oliveyra (ash-Shaaravi, 46), Kristante, Pellegrini, Zaniolo, Abraham (Shomurodov, 65).
Ogohlantirishlar: Deulofeu (26), Afena-Gyan (70), Makengo (86), Rojer (88).
Izoh (0)