“Real” bosh murabbiyi Karlo Anchelotti Tibo Kurtuani dunyoning eng yaxshi darvozaboni deya atadi.

Italiyalik mutaxassisdan FourFourTwo jurnali talqiniga ko‘ra, eng kuchli darvozabonlar o‘nligida belgiyalik posbonning yo‘qligiga izoh berish so‘raldi.

Bu ahmoqlik. Kurtua haqidagi fikrimni so‘ramang. Uni dunyoning eng yaxshi darvozaboni deb hisoblayman, ammo bu fikrlar subyektiv. Dani Karvaxal va Ferlan Mendi ham men uchun o‘z pozitsiyasida dunyoning eng yaxshilari.

Agar Kurtua eng kuchli darvozabonlar o‘nligiga kirmaydi deb hisoblasangiz, jurnalist litsenziyangizni qaytarishingiz lozim.

Karlo Anchelotti, “Real Madrid” bosh murabbiyi

Ekspertlar eng kuchli darvozabonlar reytingiga quyidagi futbolchilarni kiritgandi: Eduar Mendi (“Chelsi”), David de Xea (“Manchester Yunayted”), Manuel Noyer (“Bavariya”), Ederson (“Manchester Siti”), Alisson (“Liverpul”), Aaron Remsdeyl (“Arsenal”), Joze Sa (“Vulverhempton”), Unai Simon (“Atletik”), Yassin Bunu (“Sevilya”) va Yan Oblak (“Atletiko”).

Ma’lumot uchun, Tibo Kurtua 2018-yilda “Chelsi” safidan “Real”ga o‘tgandi. 4 yil mobaynida darvozabon madridliklar safida 167 marta maydonga tushib, o‘z darvozasidan 153 ta gol olib chiqqan.