Anadolu клиникаси мутахассисларининг онкопатологияларни диагностика қилиш ва даволашнинг замонавий усуллари, «ақлли дори» воситалари ва янги Vafi техникаси ҳақида.
Дунёдаги яхши тиббиёт муассасаларининг учталигига кирган Anadolu тиббиёт марказининг етакчи мутахассислари Intermed Innovation ҳамкор клиникасида ўзбекистонлик беморларга бепул маслаҳатлар бериш мақсадида Тошкентга ташриф буюрди. Машҳур онколог Синан Карааслан ва қорин бўшлиғи онкохирурги Вафи Аталай жуда банд бўлишига қарамай, онкология соҳасидаги сўнгги ютуқлар ҳақида суҳбатлашишга вақт ажратишди.
Катта тажрибага эга онколог сифатида доктор Синан Карааслан дори воситалари ёрдамида даволашга ихтисослашган бўлиб, ўз амалиётида «ақлли дори» воситаларининг сўнгги авлоди — саратон касаллигини даволашда юқори самарадорликни кўрсатган иммунотерапевтик ва мақсадли дори воситаларидан фойдаланади.
«Бу қанчалик ачинарли туюлмасин, дунёда саратон касалликлари доимий равишда ўсиб бормоқда ва биз — шифокорлар буни атроф-муҳит ва ҳаёт сифатининг сустлашиши билан боғлаймиз. Бироқ замонавий тиббиётнинг жадал ривожланиши ва умуман техника тараққиёти турли саратон касалликларга эрта ташхис қўйишга ижобий таъсир кўрсатиб, уларга қарши ўз вақтида ва муваффақиятли курашиш имконини бермоқда», — дейди доктор Синан.
Бугунги кунда жаҳон тиббиёти хавфли патологияларга қарши курашда «ақлли дори» воситаларидан фаол фойдаланмоқда, бу эса даволаш самарадорлигини ошириш, ножўя таъсирни минималлаштириш билан беморларнинг ҳаёт сифатини ошириш ва умрини имкон қадар узайтириш имконини беради. Янги авлод дори воситалари дастлаб ишлаб чиқилган ва жорий қилинган пайтдан бошлаб, Anadolu клиникаси мутахассислари ушбу даволаш турига фаол равишда мурожаат қилмоқда.
Улар яхши натижаларни кўрсатмоқда, аммо ҳозиргача воситалар эҳтиёткорлик билан танлаб қўлланилади. Ҳолбуки, тиббиёт бир жойда турмайди ва биз тиббиётдаги янги кашфиётлар туфайли уларни қўллаш доирасини кенгайишини кутамиз.
Даволаш протоколига мақсадли терапияни киритиш учун биринчи навбатда ўсмаларнинг генетик хусусиятларини аниқлаш зарур. Аниқланган мутацияларга асосланиб, уларга мақсадли таъсир кўрсатадиган муайян мақсадли дори воситаларни танлаш мумкин. Худди шу нарса организмнинг иммун тизимига бевосита таъсир қилувчи, ўсимта ҳужайраларига ҳужумини рағбатлантирадиган дори воситалари, яъни иммунопрепаратлар учун ҳам амал қилади. Иммунотерапия маълум турдаги ген мутациялари бўлган беморларда ҳам қўлланилади.
«Ақлли дори» воситалари билан даволаш барча саратон беморларига мос келмайди. Шифокорлар онкология турига, ўсманинг молекуляр генетик хусусиятларига, касалликнинг ривожланиш босқичига ва бошқа муҳим омилларга қараб индивидуал даволаш режасини ишлаб чиқишади», — деди Доктор Синан Карааслан. Унинг сўзларига кўра, мақсадли терапия кўпинча ўпка саратони учун қўлланилади, агар ўсимтани жарроҳлик йўли билан даволаш мумкин бўлмаса, бу стандарт усуллардан 2-3 баравар самаралироқ. Эндиликда иммунотерапия буйрак саратони ёки меланома (тери саратони) каби онкологик патологияларни ҳам муваффақиятли даволаш имконини беради.
Сўнгги пайтларда аксарият онкологлар статистика маълумотларига кўра, онкологик касалликлар орасида тарқалиши бўйича дунёда 3-ўринни эгаллаб келаётган колоректал саратони билан дуч келмоқда. Ушбу турдаги патологиянинг ўзига хос хусусиятларидан бири шундаки, уни колоноскопия ёрдамида мунтазам профилактик текширувлар билан аниқлаш осон, айниқса 50 ёшдан ошган одамларда. Эрта ташхис қўйилган ҳолатда бу касаллик муваффақиятли даволаниши мумкин, аммо кеч босқичда аниқланса, башоратлар сезиларли даражада ёмонлашади.
Anadolu клиникаси етакчи мутахассиси, онколог-жарроҳ Вафи Аталайнинг таъкидлашича, беморга ичак саратони ташхиси қўйилгач, шифокорларнинг дастлабки ҳаракатлари икки босқичдан иборатдир:
- биринчи қадам — касалликнинг босқичини аниқлаш. Агар патология эрта босқичда аниқланса, муваффақиятли даволаниш эҳтимоли 80 фоизгача деб ҳисобланади. Касалликнинг кеч босқичида ташхис қўйилган тақдирда 15 фоизгача камаяди;
- иккинчи қадам — даволаш тактикаси ва прогнозини аниқлаш.
Йилдан йилга бу муаммога дучор келган доктор Вафи Аталай кўплаб муқобил усулларни ўрганиб чиқди, кейин эса ўзининг муаллифлик усули — Vafi усулини ишлаб чиқиб, уни патентлади ва амалга оширишга муваффақ бўлди.
«Тубал илеостомия техникаси қорин бўшлиғига ўрнатилган найча орқали чиқинди маҳсулотларни чиқариб ташлашни ўз ичига олади. Аммо уни афзаллиги шундаки, тубал илеостом фақат 2 ҳафтага, яъни операция жойи тузалмагунча жойлаштирилади, шундан сўнг эҳтиёткорлик билан олиб ташланади. Шу билан бирга, беморлар колостомадан фарқли ўлароқ, иккинчи операцияга муҳтож эмаслар: найчадаги тешиклар 2-3 кун ичида ўз-ўзидан тузалиб кетади», — деди шифокор.
Айтиш жоизки, Anadolu клиникасининг фаолияти содда, аммо юксак мақсадга асосланган. «Бизнинг мақсадимиз — ҳар бир беморга юқори сифатли хизмат кўрсатиш. Биз миқдор учун курашмаймиз. Биз сифат учун курашамиз», — дейди шифокорлар.
Дарҳақиқат, ўз арсеналида сўнгги илм-фан ютуқлари, жаҳон тажрибаси, аниқ ва тез натижалар берадиган ноёб патологик лабораторияга эга бўлган Anadolu клиникасидаги малакали мутахассислар жамоаси кўп тармоқли маслаҳатлашувлар тамойили нафақат дастлабки ташхис ва протоколни шакллантиришнинг босқичида, балки ҳар бир беморни даволаш ва реабилитация қилишнинг мураккаб жараёнида, биргаликда ҳаракат қиладиган ягона организм каби ишлайди. Ҳар бир протокол беморнинг индивидуал хусусиятларига, унинг имкониятларига, турмуш тарзига қараб турли тор соҳа шифокорларнинг жипслашган жамоаси томонидан ишлаб чиқилади.
«Мақсадимиз — бемор учун қулай шароитда яхши натижага эришишдир», — дейди клиника вакиллари.
Anadolu — Туркиядаги Америка клиникаси. У АҚШнинг дунёга машҳур Жон Хопкинс университети касалхонаси (Johns Hopkins Medicine) раҳбарлигида 1889 йилда яратилган ва ҳозирги кунга қадар фаолият юритади.
Марказ Туркиянинг машҳур Anadolu Group холдинги таркибига кирувчи Anadolu хайрия фондига тегишли. Касалхона 22 йил давомида Америкадаги саратон касаллигини даволаш бўйича етакчи марказлардан бири сифатида тан олинган. Барча ишлар JCI, AIA, NFPA, ADA Америка стандартларига мувофиқ қурилган.
2019 йилда Anadolu клиникаси яхши шифохоналари рейтингида хорижликлар учун хизмат кўрсатадиган яхши тиббий муассасалар рейтингида иккинчи ўринни эгаллади.
Anadolu клиникасининг Тошкентдаги ваколатхонаси бир йилдан бери муваффақиятли фаолият юритмоқда. Марказ Туркияда даволанишни хоҳловчиларнинг сони кўплиги сабабли очилган.
Офиснинг иш вақти: ҳафтада олти кун, соат 9:00 дан 18:00 гача
Манзил: Яккасарой тумани,Миробод кўчаси, 10/402, 1-кабинет
Мўлжал: Республика Ички ишлар вазирлиги яқинидаги Korzinka супермаркети ёки Grand Mir (собиқ «Россия») меҳмонхонаси
Телефон: +99890 114 46 66
E-mail: anadolu.tashkent@anadolusaglik.org
Веб-сайт: anadolumedicalcenter.ru
Facebook: fb.com/anadolumedical.official
Instagram: anadolumedicalcenter_ru
Реклама ҳуқуқи асосида.
Изоҳ (0)