Farg‘ona viloyatining Oltiariq tumanida joylashgan massajxonalarning birida yong‘in sodir bo‘ldi, deb xabar beradi viloyat FVB matbuot xizmati.

Ma’lum qilinishicha, 25-fevral kuni soat 01:00 da tumanning “Qiziltepa” MFY, Sihatgoh ko‘chasi 2-uyda joylashgan “Ro‘zixon-Zulpidinjon orzusi” oilaviy korxonasiga qarashli massajxonaning muolaja xonasida yong‘in chiqqan. Oqibatda xonaning 150 kvadrat metr maydondagi ichki va tom qismi yongan. Sodir bo‘lgan yong‘inga yong‘in-qutqaruvchilar 01:20 da yetib borib, soat 02:15 da uni o‘rishga muvaffaq bo‘lgan.

Yong‘indan massajxonaning 320 kvadrat metr maydoni saqlab qolingan. Yong‘in natijasida jarohatlangan va halok bo‘lganlar yo‘q.

Hozirda yong‘inning sababi va yetkazilgan zarar miqdori aniqlanmoqda.

Avvalroq Farg‘onada gaz ballon tashuvchi avtomashinada yong‘in sodir bo‘lgani, Samarqanddagi oshxonalardan birida yong‘in yuzaga kelgani, Toshkentdagi “Yangiobod” bozorida yong‘in sodir bo‘lgani to‘g‘risida xabar berilgandi.