O‘zini o‘zi respublika deb e’lon qilgan Lugansk xalq respublikasining xalq militsiya bo‘linmalari Luganskdan 30 kilometr uzoqlikda joylashgan va Kiyev nazorati ostidagi Schastye shahriga hujum uyushtirdi. Bu haqda LXR Ichki ishlar vazirligi rahbari maslahatchisi Vitaliy Kiselyovga tayanib, “Interfaks” xabar berdi.
O‘z navbatida, Donetsk xalq respublikasi kuchlari butun o‘zaro aloqa chizig‘i bo‘ylab Ukraina armiyasining pozitsiyalariga hujum qilmoqda, dedi agentlikka DXR xalq militsiyasi vakili Eduard Basurin.
“DXR qo‘shinlari o‘zlarida mavjud bo‘lgan barcha yo‘q qilish vositalaridan foydalangan holda, butun aloqa chizig‘i bo‘ylab Ukraina Qurolli kuchlari pozitsiyalariga hujum qilmoqda”, — dedi u.
Avvalroq Rossiya Mudofaa vazirligi “Ukraina harbiy infratuzilmasi ishdan chiqarilayotganini” e’lon qilgandi. Idoraning qo‘shimcha qilishicha, Ukraina aholisiga hech qanday xavf yo‘q va ular tahdidlardan holi.
Izoh (0)