Ўзини ўзи республика деб эълон қилган Луганск халқ республикасининг халқ милиция бўлинмалари Луганскдан 30 километр узоқликда жойлашган ва Киев назорати остидаги Счасте шаҳрига ҳужум уюштирди. Бу ҳақда ЛХР Ички ишлар вазирлиги раҳбари маслаҳатчиси Виталий Киселёвга таяниб, «Интерфакс» хабар берди.
Ўз навбатида, Донецк халқ республикаси кучлари бутун ўзаро алоқа чизиғи бўйлаб Украина армиясининг позицияларига ҳужум қилмоқда, деди агентликка ДХР халқ милицияси вакили Эдуард Басурин.
«ДХР қўшинлари ўзларида мавжуд бўлган барча йўқ қилиш воситаларидан фойдаланган ҳолда, бутун алоқа чизиғи бўйлаб Украина Қуролли кучлари позицияларига ҳужум қилмоқда», — деди у.
Аввалроқ Россия Мудофаа вазирлиги «Украина ҳарбий инфратузилмаси ишдан чиқарилаётганини» эълон қилганди. Идоранинг қўшимча қилишича, Украина аҳолисига ҳеч қандай хавф йўқ ва улар таҳдидлардан ҳоли.
Изоҳ (0)