28-yanvar kuni qalin qor yog‘gani tufayli Qashqadaryo viloyatining Kitob tumanidan o‘tgan M-39 avtomobil yo‘lining Taxtaqorcha dovoni avtomobillar harakati uchun vaqtincha yopilgan edi. Samarqand viloyati FVBning ma’lum qilishicha, hozirda dovon yo‘li qayta ochilgan.
Ma’lum qilinishicha, Samarqand viloyati Faqulodda vaziyatlar boshqarmasi tegishli xizmatlar bilan yo‘lga qum-tuz aralashmasini sepish va qordan tozalash ishlarini olib borgan. Amalga oshirilgan zururiy tadbirlar natijasida 29-yanvar kuni soat 09:09 da Taxtaqoracha dovoni avtomobillar harakati uchun qayta ochilgan.
Eslatib o‘tamiz, O‘zbekistonning tog‘li hududlarida 21-yanvardan buyon qor ko‘chish xavfi saqlanib qolmoqda. 19-yanvar kuni Amirsoy dam olish maskanida katta masshtabda qor ko‘chkisi sodir bo‘lgandi.
Mavzuga doir: Video: Qamchiq dovonida yog‘ayotgan qor
Izoh (0)