Yaponiyada koronavirus pandemiyasi boshlanganidan beri bir sutka ichida 50,2 mingdan ziyod kasallanish holatlari qayd etildi. Bu haqda “Interfaks” xabar berdi.
Mamlakat poytaxti Tokioning o‘zida 11 mingdan ziyod holat qayd etilgan va bu ham yangi antirekord.
Yaponiyadagi 47 ta prefekturaning 30 tasida ham antirekordlar yangilangan. Xabarlarda qayd etilishicha, bu kabi salbiy holatlar mamlakatda omikron shtammining tarqalgani bilan bog‘liq.
Yaponiyada COVID-19 ning yangi shtammi tarqala boshlagani tufayli qo‘shimcha cheklov choralari kuchga kirgan.
Avval Rossiyada yangi antirekord qayd etilib, bir sutkada 57 mingdan ortiq kishida koronavirus aniqlangani, Tonga orollariga gumanitar yordam bilan uchayotgan samolyot ekipajda COVID-19 aniqlangani sabab yarim yo‘ldan ortiga qaytgani, Angliyada ko‘plab koronavirus cheklovlari, xususan, tibbiy niqob taqib yurish bekor qilinishi haqida xabarlar berilgan.
Izoh (0)