Polsha sobiq prezidenti, Nobel mukofoti laureati 78 yoshli Lex Valensa koronavirusga chalindi. Bu haqda uning o‘zi Facebook’dagi sahifasiga yozib qoldirgan.
Valensaning so‘zlariga ko‘ra, u koronavirusga qarshi uch marta emlangan va COVID-19 ga uch marotaba test topshirgan. “Ishongim kelmaydi”, — deb yozadi Nobel laureate. U o‘zini yomon his qilayotgani, bosh og‘rig‘i va bo‘g‘imlardagi og‘riqdan shikoyat qilgan.
Post ostidagi izohlarda shifokorlar Valensaga emlanish kasallikdan himoya qilmasligini, balki uni yengil o‘tkazishga yordam berishini yozib qoldirgan va Polsha sobiq prezidentiga tibbiy yordam so‘rashni maslahat bergan.
2021-yilning martida Lex Valensa kardiostimulyatordagi oziqlanish elementini almashtirish bo‘yicha operatsiyani boshidan o‘tkazgandi. Operatsiya avvalida Valensa vidolashuv videomurojaatini yozib qoldirgan va uning Facebook’ka joylashtirgan. Jarrohlik amaliyoti muvaffaqiyatli o‘tgan.
Ma’lumot uchun, Polshada 38 million aholi istiqomat qiladi, o‘tgan bir sutka ichida yana 32 835 kishida koronavirus infeksiyasi tasdiqlangan.
Eslatib o‘tamiz, 2017-yilda Polsha sobiq prezidenti Lex Valensaning o‘g‘li o‘lik holda topilgan, Polsha milliy xotira instituti mamlakatning Valensaga qarshi maxsus xizmatlar bilan hamkorlik borasida yolg‘on ma’lumot berish gumoni bilan jinoiy ish qo‘zg‘atgan edi. 2021-yil fevralda esa Polshaning sobiq prezidenti koronavirus sabab o‘ziga ish izlayotgani ma’lum bo‘lgandi. Valensa nafaqaga chiqqanidan keyin oyiga 6 ming zlotiy miqdorida, ya’ni 1,6 ming AQSh dollariga teng pensiya oladi. Polshada o‘rtacha oylik ish haqi 4,9 ming zlotiyni tashkil etadi.
Avvalroq Polsha prezidenti Anjey Dudaning COVID-19 ga topshirgan testi musbat chiqqani to‘g‘risida xabar berilgandi.
Izoh (0)