Shavkat Mirziyoyev boshchiligida 20-yanvar kuni davlat aktivlarini xususiylashtirish borasida 2022-yilda amalga oshiriladigan ustuvor vazifalar yuzasidan videoselektor yig‘ilishi boshlandi. Bu haqda Prezident matbuot kotibi Sherzod Asadov xabar qildi.
Qayd etilishicha, yig‘ilishda davlat rahbari davlat aktivlarini xususiylashtirish bo‘yicha amalga oshirilayotgan ishlar sur’ati qoniqarsiz ekanini ta’kidlagan. Joriy yilda davlat aktivlarini xususiylashtirishdan tushishi prognoz qilinayotgan mablag‘lar ko‘rsatkichi juda kamligi, tarmoq va hududlarda hanuzgacha 2 mingta samarasiz ishlatilayotgan davlat mulki obyektlari mavjudligi keskin tanqid qilingan.
Viloyat hokimliklari balansida ham yillar davomida 170 ga yaqin bo‘sh obyektlar sotilmasdan turibdi. Shuning uchun Sirdaryo viloyati hokimi G‘ofur Mirzayev va Xorazm viloyati hokimi Farhod Ermanovga xususiylashtirish ishlarini sust tashkil etgani uchun hayfsan e’lon qilingan.
Shuningdek, Davlat aktivlari agentligining Sirdaryo, Xorazm va Buxoro viloyatlari boshqarma boshliqlarini ishdan olish, transformatsiya va xususiylashtirish ishlarini o‘z holiga tashlab qo‘ygani uchun “O‘zagroservis” jamiyati raisi R Hayitov egallab turgan lavozimidan ozod etilgan.
Izoh (0)