Prezident Shavkat Mirziyoyev 13-yanvar kuni “Samarqand davlat universiteti faoliyatini yanada takomillashtirishga doir qo‘shimcha chora-tadbirlar to‘g‘risida”gi qarorni imzoladi, deb xabar beradi “Yuz.uz”.
Hujjatga ko‘ra, Samarqand davlat universitetiga atoqli davlat va jamoat arbobi Sharof Rashidov nomi berildi.
Qaror bilan universitetni transformatsiya qilish va kompleks rivojlantirish dasturini amalga oshirish hamda 2026-yilga qadar xalqaro tan olingan tashkilotlarning oliy ta’lim muassasalari reytingida birinchi 1000 talik ro‘yxatga kiritish vazifasi qo‘yilgan.
Universitetda transformatsiya qilish va kompleks rivojlantirish dasturini amalga oshirish, raqamlashtirish hamda ta’lim jarayoniga zamonaviy pedagogik texnologiyalarni joriy etish, universitetni tanitish bo‘yicha milliy va xorijiy ommaviy axborot vositalari, internet tarmog‘i va boshqa vositalar orqali targ‘ibot tadbirlarini o‘tkazuvchi Transformatsiya ofisi tashkil etiladi.
Universitet tarkibida quyidagilar tashkil etiladi:
- agronomiya, biotexnologiya va oziq-ovqat xavfsizligi sohalarida kadrlar tayyorlovchi Agrobiotexnologiyalar va oziq-ovqat xavfsizligi instituti;
- muhandislik, avtomatika, mexatronika, robototexnika, raqamli elektronika, elektrotexnika, mashinasozlik, materialshunoslik va yangi materiallar texnologiyasi sohalarida kadrlar tayyorlovchi Muhandislik fizikasi instituti;
- pedagogika, axborot texnologiyalari va hududda kadrlarga ehtiyoj yuqori bo‘lgan boshqa sohalarda kadrlar tayyorlovchi universitetning Urgut filiali.
Izoh (0)