Bugun,

  • USD 11095.31
  • RUB 173.84
  • EUR 10772.44

Kimyo-texnologiya sohasidagi yirik olim, Fanlar akademiyasi akademigi Saydiahrol To‘xtayev 3-yanvar kuni 79 yoshida vafot etdi. Bu haqda O‘zA xabar qildi.

Foto: O‘zA  / “Daryo”

Foto: O‘zA  / “Daryo”

Qayd etilishicha, Sayriahrol To‘xtayev 1942-yil 1-sentabrda Toshkent shahrida tug‘ilgan. 1963-yili Toshkent politexnika instituti (hozirgi Toshkent davlat texnika universiteti)ni tugatib, mehnat faoliyatini Respublika azot sanoati davlat institutining Chirchiq filialida (hozirgi “O‘zkimyosanoatloyiha” aksiyadorlik jamiyati) muhandis-texnolog sifatida boshlagan.

Keyinchalik Fanlar akademiyasi Kimyo instituti aspiranturasida tahsil olgan. Dastlab nomzodlik, so‘ngra doktorlik dissertatsiyasini himoya qilgan. 2000-yilda akademik etib saylangan.

Marhum qariyb 60 yillik ilmiy pedagogik faoliyati davomida Fanlar akademiyasi Kimyo institutida katta ilmiy xodim, laboratoriya mudiri, ilmiy ishlar bo‘yicha direktor o‘rinbosari, O‘g‘itlar institutida laboratoriya mudiri, bo‘lim boshlig‘i, Umumiy va noorganik kimyo institutida laboratoriya mudiri, loyiha rahbari va bosh ilmiy xodim lavozimlarida samarali mehnat qilib, yurtimizda noorganik kimyo sohasining rivojiga, shu yo‘nalishda yuqori malakali kadrlar tayyorlashga munosib hissa qo‘shgan.

Akademik Saydiahrol To‘xtayevning mamlakat ilm-fanini rivojlantirish borasidagi xizmatlari munosib taqdirlangan. U “O‘zbekiston Respublikasida xizmat ko‘rsatgan ixtirochi va ratsionalizator” faxriy unvoni va “Shuhrat” medali bilan mukofotlangan.

Mazkur o‘lim munosabati bilan hukumat rahbariyati, xususan, Shavkat Mirziyoyev, Tanzila Norboyeva, Abdulla Aripov ta’ziya bildirgan.

Izoh
Asosiy yangiliklar
Mahalliy
“Daryo” kundaligida 2-dekabrda sodir bo‘lgan eng muhim voqealar
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi
Dunyo
Britaniya razvedkasi Rossiya Ukrainadagi urushda quruqlikdan hujum qilolmayotgani sababini tushuntirdi