“O‘zmetkombinat” AJ obligatsiyalari ilk marotaba “Toshkent” Respublika fond birjasida joylashtirildi. 50 milliard so‘mlik korporativ obligatsiyalarning emissiyasi 2021-yil 1-dekabrda O‘zbekiston Moliya vazirligi tomonidan davlat ro‘yxatidan o‘tkazilgan edi.
Kompaniya tomonidan nominal qiymati 5 000 000 so‘m bo‘lgan jami 10 000 dona korporativ obligatsiyalar chiqarildi. Emissiya obligatsiyalari “Toshkent” fond birjasi saytida cheklanmagan investorlar doirasiga ochiq obuna bo‘yicha joylashtirildi. Emissiya anderrayteri — Freedom Finance MChJ XK.
Obligatsiyalar muomala muddati 18 oy va kupon to‘lovlari davriyligi yiliga ikki martalik bo‘lib, kuponli mukofot stavkasi obligatsiya nominal qiymatining yillik 23 foizini tashkil etadi.
Investorlar tomonidan taqdim etilgan arizalar hajmi 478,5 milliard so‘mni tashkil etdi. Qondirilgan arizalar hajmi esa 50,61 milliard so‘m, ya’ni obligatsiyalarga bo‘lgan talab taklifdan 9 barobar ko‘proq bo‘ldi.
Ushbu joylashtirish “O‘zmetkombinat” jamiyati uchun “Toshkent” RFBda obligatsiyalarning debyut emissiyasi bo‘lib, kompaniyani 2022-yilga mo‘ljallangan bo‘lajak IPO’ga tayyorlaydi. Bundan tashqari, joriy masala kompaniyaga respublikadagi eng yirik metallurgiya kombinatlaridan biri sifatidagi mavqeini mustahkamlash imkonini beradi.
Ta’kidlab o‘tish joizki, “O‘zbekiston metallurgiya kombinati” aksiyadorlik jamiyati qora metallurgiya bo‘yicha respublikadagi yetakchi korxonadir. Kombinatning barcha mahsulotlari muvofiqlik sertifikatlariga ega, sifat menejmenti tizimlari milliy va xalqaro sertifikatlashtirish tizimlarida sertifikatlangan.
Kombinat respublika korxonalari, shuningdek, kichik biznes va xususiy tadbirkorlik subyektlari bilan kooperatsiya aloqalarini faol rivojlantirmoqda.
“Biz ushbu joylashtiriluv ajoyib natijalar bilan yakunlanganini e’lon qilishdan mamnunmiz. Bunday qisqa vaqt ichida obuna e’lon qilingan hajmning 900 foizdan ortig‘i bilan yopildi. Biz investorlarimiz savdo qilishi uchun ko‘proq imkoniyat va vositalarga ega bo‘lishlari uchun mahalliy fond bozoriga yana bir moliyaviy mahsulotni kiritdik. O‘ylaymizki, ushbu instrumentning ‘Toshkent’ RFBga kiritilishi O‘zbekistonda fond bozorining rivojlanishiga xizmat qiladi. Freedom Finance obuna kampaniyasi doirasida Road show tashkil etildi, ularda jami 500 dan ortiq kishi — mavjud mijozlar va yangi investorlar ishtirok etdi”, — deb fikr bildirdi Freedom Finance MChJ XK ijrochi direktori Yevgeniy Mojeyko.
O‘z navbatida “O‘zmetkombinat” AJ ham ushbu joylashtirish yuzasidan fikr bildirdi.
“Biz ilgari ko‘p marta ta’kidlaganimizdek, bu kombinatimiz uchun obligatsiyalarning debyut emissiyasi. Kombinat investitsiya loyihalarini amalga oshirish, kapital bozorida kredit tarixini yaratish va moliyalashtirish manbalarini diversifikatsiya qilish uchun obligatsiyalar chiqardi. Kelgusi rejalarda xalqaro fond bozorlariga chiqish — qo‘shimcha aksiyalarni chiqarish va yevroobligatsiyalarni joylashtirish vazifasi turibdi”, — deb ma’lumot berdi “O‘zmetkombinat” AJning moliyaviy masalalar bo‘yicha direktori Tatyana Budey.
Ma’lumot uchun
Freedom Finance MChJ XK — Freedom Holding Corp xalqaro guruhi tarkibiga kiradi.
Freedom Holding Corp. — bu moliyaviy faoliyat, brokerlik operatsiyalari, investitsiyalar bo‘yicha konsalting, qimmatli qog‘ozlar savdosi, investitsiya banki va anderrayting xizmatlarini o‘zining sho‘ba kompaniyalari orqali amalga oshiruvchi xolding.
Freedom Finance xalqaro darajadagi tizimli investitsiya kompaniyasi bo‘lib, uning 10 ta davlatda: Qozog‘iston, Rossiya, Germaniya, Ukraina, Qirg‘iziston, O‘zbekiston, Kipr, Ozarbayjon, Buyuk Britaniya va AQShda o‘z vakolatxonasi bor. Freedom Finance kompaniyasi Qozog‘iston fond birjasi (KASE), Astana International Exchange (AIX), Moskva birjasi (MOEX), Sankt-Peterburg birjasi (SPB), “Toshkent” Respublika fond birjasi (UZSE) va Ukraina birjasining professional ishtirokchisi hisoblanadi.
Bugungi kunda Freedom Holding Corp’ning oddiy aksiyalari Nasdaq Capital Market, Qozog‘iston fond birjasi, Sankt-Peterburg va Ukraina birjalarida sotilmoqda.
Xoldingning bozordagi kapitallashuvi 4,1 milliard dollarni tashkil etadi.
Reklama huquqi asosida.
Izoh (0)