«Ўзметкомбинат» АЖ облигациялари илк маротаба «Тошкент» Республика фонд биржасида жойлаштирилди. 50 миллиард сўмлик корпоратив облигацияларнинг эмиссияси 2021 йил 1 декабрда Ўзбекистон Молия вазирлиги томонидан давлат рўйхатидан ўтказилган эди.
Компания томонидан номинал қиймати 5 000 000 сўм бўлган жами 10 000 дона корпоратив облигациялар чиқарилди. Эмиссия облигациялари «Тошкент» фонд биржаси сайтида чекланмаган инвесторлар доирасига очиқ обуна бўйича жойлаштирилди. Эмиссия андеррайтери — Freedom Finance МЧЖ ХК.
Облигациялар муомала муддати 18 ой ва купон тўловлари даврийлиги йилига икки марталик бўлиб, купонли мукофот ставкаси облигация номинал қийматининг йиллик 23 фоизини ташкил этади.
Инвесторлар томонидан тақдим этилган аризалар ҳажми 478,5 миллиард сўмни ташкил этди. Қондирилган аризалар ҳажми эса 50,61 миллиард сўм, яъни облигацияларга бўлган талаб таклифдан 9 баробар кўпроқ бўлди.
Ушбу жойлаштириш «Ўзметкомбинат» жамияти учун «Тошкент» РФБда облигацияларнинг дебют эмиссияси бўлиб, компанияни 2022 йилга мўлжалланган бўлажак IPO’га тайёрлайди. Бундан ташқари, жорий масала компанияга республикадаги энг йирик металлургия комбинатларидан бири сифатидаги мавқеини мустаҳкамлаш имконини беради.
Таъкидлаб ўтиш жоизки, «Ўзбекистон металлургия комбинати» акциядорлик жамияти қора металлургия бўйича республикадаги етакчи корхонадир. Комбинатнинг барча маҳсулотлари мувофиқлик сертификатларига эга, сифат менежменти тизимлари миллий ва халқаро сертификатлаштириш тизимларида сертификатланган.
Комбинат республика корхоналари, шунингдек, кичик бизнес ва хусусий тадбиркорлик субъектлари билан кооперация алоқаларини фаол ривожлантирмоқда.
«Биз ушбу жойлаштирилув ажойиб натижалар билан якунланганини эълон қилишдан мамнунмиз. Бундай қисқа вақт ичида обуна эълон қилинган ҳажмнинг 900 фоиздан ортиғи билан ёпилди. Биз инвесторларимиз савдо қилиши учун кўпроқ имконият ва воситаларга эга бўлишлари учун маҳаллий фонд бозорига яна бир молиявий маҳсулотни киритдик. Ўйлаймизки, ушбу инструментнинг ‘Тошкент’ РФБга киритилиши Ўзбекистонда фонд бозорининг ривожланишига хизмат қилади. Freedom Finance обуна кампанияси доирасида Road show ташкил этилди, уларда жами 500 дан ортиқ киши — мавжуд мижозлар ва янги инвесторлар иштирок этди», — деб фикр билдирди Freedom Finance МЧЖ ХК ижрочи директори Евгений Можейко.
Ўз навбатида «Ўзметкомбинат» АЖ ҳам ушбу жойлаштириш юзасидан фикр билдирди.
«Биз илгари кўп марта таъкидлаганимиздек, бу комбинатимиз учун облигацияларнинг дебют эмиссияси. Комбинат инвестиция лойиҳаларини амалга ошириш, капитал бозорида кредит тарихини яратиш ва молиялаштириш манбаларини диверсификация қилиш учун облигациялар чиқарди. Келгуси режаларда халқаро фонд бозорларига чиқиш — қўшимча акцияларни чиқариш ва еврооблигацияларни жойлаштириш вазифаси турибди», — деб маълумот берди «Ўзметкомбинат» АЖнинг молиявий масалалар бўйича директори Татяна Будей.
Маълумот учун
Freedom Finance МЧЖ ХК — Freedom Holding Corp халқаро гуруҳи таркибига киради.
Freedom Holding Corp. — бу молиявий фаолият, брокерлик операциялари, инвестициялар бўйича консалтинг, қимматли қоғозлар савдоси, инвестиция банки ва андеррайтинг хизматларини ўзининг шўъба компаниялари орқали амалга оширувчи холдинг.
Freedom Finance халқаро даражадаги тизимли инвестиция компанияси бўлиб, унинг 10 та давлатда: Қозоғистон, Россия, Германия, Украина, Қирғизистон, Ўзбекистон, Кипр, Озарбайжон, Буюк Британия ва АҚШда ўз ваколатхонаси бор. Freedom Finance компанияси Қозоғистон фонд биржаси (KASE), Астана International Exchange (AIX), Москва биржаси (MOEX), Санкт-Петербург биржаси (СПБ), «Тошкент» Республика фонд биржаси (UZSE) ва Украина биржасининг профессионал иштирокчиси ҳисобланади.
Бугунги кунда Freedom Holding Corp’нинг оддий акциялари Nasdaq Capital Market, Қозоғистон фонд биржаси, Санкт-Петербург ва Украина биржаларида сотилмоқда.
Холдингнинг бозордаги капиталлашуви 4,1 миллиард долларни ташкил этади.
Реклама ҳуқуқи асосида.
Изоҳ (0)