Buxoro viloyatida tovlamachilik bog‘liq holatlar aniqlandi. Bu haqda “Yangi davr” ko‘rsatuvida ma’lum qilindi.
Ma’lum qilinishicha, Bosh prokuratura departamentining G‘ijduvon tuman bo‘limi xodimlari tomonidan tezkor tadbir o‘tkazilgan. Unda avtomaktablardan birida o‘qituvchi vazifasida ishlovchi shaxs “Zarangari” mahallasida yashovchi fuqaroni (1995-yilda tug‘ilgan) aldab, vakolatli tanishlari orqali unga haydovchilik guvohnomasi olib berishini aytgan. Buning evaziga 3 million so‘m talab qilgan.
Tezkor tadbirda u kimyoviy ishlov berilgan pullarni olgan vaqtida ashyoviy dalillar bilan ushlangan.
Bundan tashqari, Peshko‘ tumani 2-son bolalar va o‘smirlar sport maktabi uslubchisi Qorovulbozor tumanida yashovchi fuqaroni (1984-yilda tug‘ilgan) aldab, vakolatli tanishlari orqali turmush o‘rtog‘ining malaka toifasini oshirganlik to‘g‘risidagi sertifikatni olib berishni va’da qilgan.
U tumandagi kafelardan birida kimyoviy ishlov berilgan 300 dollarni olgan vaqtida ushlangan.
Yuqoridagi holatlar yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
Mavzuga doir:
- Toshkentda fuqarolardan darslarga qatnashmaslik uchun pul talab qilgan ikkita avtomaktab direktori ushlandi
- Gulistonda fuqarolarga 1100 dollar evaziga C va E toifadagi haydovchilik guvohnomalarini olib berishni va’da qilgan shaxs ushlandi
- Farg‘ona va Buxoroda chet elga viza tayyorlab berishni va’da qilib, fuqarolar pulini firibgarlik yo‘li bilan olgan shaxslar ushlandi
Izoh (0)