Futbol bo‘yicha Italiya A Seriyasining 18-turidan o‘rin olgan “Atalanta” va “Roma” o‘rtasidagi o‘yin 18-dekabr, shanba kuni bo‘lib o‘tdi.
Uchrashuvning ilk daqiqasida Temmi Abraham hisobni ochdi. 27-daqiqada Nikolo Zaniolo rimliklarning ikkinchi goliga mualliflik qildi. Birinchi bo‘lim so‘ngida Brayan Kristante avtogol urib, hisobning qisqarishiga sababchi bo‘ldi.
72-daqiqada Kris Smolling, 82-daqiqada esa Temmi Abraham gol urib, “Roma”ning yirik hisobdagi g‘alabasini ta’minladi. Eldor Shomurodov 69-daqiqada Zanioloning o‘rniga maydonga tushdi.
Joze Mourinyo shogirdlar g‘alabadan so‘ng ochkolari sonini 31 taga yetkazdi va beshinchi o‘ringa chiqib oldi.
A Seriya
18-tur bahsi
18-dekabr, shanba
“Atalanta” — “Roma” 1:4
Gollar: 0:1 – 1 Abraham, 0:2 – 27 Zaniolo, 1:2 – 45, avtogol Kristante, 1:3 – 72 Smolling, 1:4 – 82 Abraham.“Atalanta” – Musso, Hatebur (Zappakosta, 78), Palomino, Toloi, Gimshiti (Muriel, 34), Petssella (Mele, 78), de Ron, Froyler, Ilichich (Malinovskiy, 46), Pashalich (Miranchuk, 64), Sapata.
“Roma” – Ruy Patrisiu, Karsdorp, Smolling, Manchini, Rojer, Vinya, Mxitaryan (Kalafori, 89), Veretu (Kumbula, 90), Kristante, Zaniolo (Shomurodov, 69), Abraham (Bove, 90).
Ogohlantirishlar: de Ron (7), Zaniolo (9), Rojer (49), Manchini (74).
Izoh (0)