Biznesning eng asosiy qoidalaridan biri, barqarorlik va rivojlanishdir. Ammo buning uchun vaqti-vaqti bilan o‘z ishingizni yangi investitsiyalar bilan “oziqlantirib” turishingiz kerak. Buning uchun har doim ham resurslar yetarli bo‘lmaydi, shuning uchun tadbirkor ularni qayerdan olish haqida bosh qotiradi. Gap katta mablag‘ haqida bo‘lsa, kamdan-kam hollarda do‘stlaringiz va qarindoshlaringizdan umid qilishingiz mumkin. Bitta variant — bank krediti. Bankdan kichik biznes uchun qanday qilib, qayerda, qancha va qanday shartlarda kredit olish mumkinligi, shuningdek, bank tadbirkorga nima sababli rad etishi mumkinligi haqida ushbu materialimizda ma’lumot beramiz.
Soddalashtirilgan kredit olish
Har qanday kredit tashkiloti jismoniy va yuridik shaxslarni moliyalashtirishga jiddiy yondashadi, shuning uchun maqbul qarz oluvchilarga muayyan talablar qo‘yiladi. “Kapitalbank” ATB kichik kreditlash departamenti direktori vazifasini vaqtinchalik bajaruvchi Jahongir Umarovning so‘zlariga ko‘ra, mutaxassislar ariza beruvchilarning kredit loyihalarini o‘rganib, faoliyatlarini tahlil qiladilar.
“Bugungi kunda biz kredit olish tartibini soddalashtirdik. Buxgalteriya hujjatlari biz uchun unchalik ham qiziq emas. Biz biznesga ‘jonli’ ko‘z bilan qaraymiz. Bizning xodimlarimiz faoliyat joyiga o‘zlari borishadi, daromad va pul aylanmalarini o‘rganishadi, ehtimoliy xarajatlar va xavflarni baholashadi. Natijada, biz mijoz, uning biznes istiqboli haqidagi real ma’lumotga ega bo‘lamiz va qaror qabul qilamiz. Odatda tadbirkor sanoqli kun ichida kredit oladi”, — deydi departament direktori o‘rinbosari vazifasini vaqtinchalik bajaruvchi Boriyxon Abdusamatov.
Qayerda, qachon va qancha?
Barcha banklarda kreditlash shartlari turlicha: turli foiz stavkalari, hujjatlar to‘plamlari va kredit berish muddatlari. Masalan, “Kapitalbank” ATBda kredit olish uchun bankka kelish, ariza to‘ldirish va kerakli minimal hujjatlar to‘plamini taqdim etish kifoya.
Kreditni avtotransport, ko‘chmas mulk, zargarlik buyumlari va hokazolarni garovga qo‘yib, rasmiylashtirish mumkin.
Buning uchun ham minimal hujjatlar to‘plami talab qilinadi: avtomobilning texnik pasporti yoki ko‘chmas mulk kadastri va garovdagi mulk egasining hujjatlari.
Bank kreditlarni milliy va xorijiy valyutada beradi. Maksimal summa — 2,5 milliard so‘m yoki shu miqdordagi pulning AQSh dollari va yevrodagi ekvivalenti. Aylanma va asosiy kapital uchun kredit muddati 36 oygacha bo‘lgan muddatni tashkil qiladi. So‘m kreditlari bo‘yicha foiz stavkalari 20 foiz, valyuta kreditlari bo‘yicha esa 6 foizni tashkil etadi. Odatda biznesga pul tezda zarur bo‘ladi, shuning uchun “Kapitalbank” ATBda kredit arizasini ko‘rib chiqish hamma zarur hujjatlar to‘plami taqdim etilgandan so‘ng, 3 kungacha bo‘lgan muddatda amalga oshiriladi.
Kimga rad etilishi mumkin?
“Kapitalbank” ATB har yili yuzlab loyihalarga kredit mablag‘i ajratadi va kamchilik loyihalar rad etiladi.
“Biz ‘Yo‘q’ deganlarimiz — bu katta xavfli loyihalar. Bu esa o‘z navbatida kredit qaytarilishiga ta’sir qiladi. Shuningdek, ayrim loyihalarda tadbirkorlik faoliyatining ayrim turlarini amalga oshirish uchun zarur bo‘lgan ruxsatnomalar (litsenziya, sertifikatlar va hokazo) mavjud emas edi”, — deydi Jahongir Umarov.
Biroq mutaxassislarning so‘zlariga ko‘ra, bunday “tasodifiy” loyihalar kam. Tadbirkorlar kredit olishga ongli ravishda yondashadi.
Kreditlash shartlari haqida batafsilroq www.kapitalbank.uz saytidan yoki aloqa markazining operatorlaridan quyidagi raqam orqali bilib olishingiz mumkin: +99878 148 40 27
“Kapitalbank” ijtimoiy tarmoqlarda:
Facebook: https://www.facebook.com/kapitalbank.uz
Instagram: https://www.instagram.com/kapitalbank.uz
Telegram kanal: https://t.me/kapital24
Rasmiy sayt: https://www.kapitalbank.uz
Reklama huquqi asosida.
Izoh (0)