Барчага маълумки, ҳозирги вақтда Renault автомобиллари Ўзбекистонда ҳам сотилмоқда. Ҳозирча бозорда учта моделни харид қилишингиз мумкин — Renault Arkana, Renault Duster ва Renault Kaptur. “Daryo”интернет-нашри мухбири уларнинг ҳар бирини синовдан ўтказди, шунингдек, ушбу юқори технологияли автомобилларнинг афзалликлари ва хусусиятлари билан танишди.
Renault Arkana — замонавий ва технологиклик
Аввало, бу ўзининг услуби ва гўзаллиги билан ўзига жалб этадиган автомобиль. Ушбу модель орқа габаритларнинг чизиғи туфайли оқимда бошқа автомобиллардан ажралиб туради. Renault Arkana функционал, эргономик интерьерга эга бўлиб, ундаги ҳамма нарса ҳайдовчи ва йўловчининг эҳтиёжларини инобатга олган ўрнатилган. Марказий консоль ҳайдовчи томон бурилган, климатик блок, катта сенсорли экран, қулай ўриндиқлар билан жиҳозланган.
«Arkana ҳақиқатан ҳам жуда замонавий ва чиройли интерьерни таклиф этади. Баъзи версияларда атмосфера ёритгичлари ҳам ўрнатилган, сиз саккизта рангдан бирини танлашингиз мумкин. Автомобилга 8 та динамик ва рақамли овоз процессори билан жиҳозланган Bose аудиотизими ўрнатилган. Машина салони кенглиги билан ажралиб туради. Орқа ўриндиқни йиғиш орқали 500 литр сиғимга эга юкхонани 1,3 кубометргача кенгайтириш мумкин. Яна бир қулай ускуна — 360 даражали камера тизими автомобилни қулай бошқариш имконини беради. Фақат Arkana моделига ўрнатилган яна бир тизим — кўринмас жойларни назорат қилиш тизими ҳақида алоҳида тўхталиб ўтиш лозим. Тизим бир қатор афзаллик ва қулайликларга эга, у хавфсизлик даражасини оширади, айниқса автомобиль йўлларида юқори тезликда ҳаракатланаётганда. Бундан ташқари, у кўриш шароити ёмонлашганда ҳайдовчига кўмаклашади», — деди Renault компаниясининг маҳсулотлар бўйича мутахассиси Анатолий Калицев.
Arkana учун яна бир ноёб тизим — MultiSense махсус созланмалари. Танлаш учун учта ҳайдаш режими мавжуд: Eco, Sport ва My Sense. Eco режимида ёқилғи тежамкорлигига эътибор қаратилади, яъни барча тизимлар, жумладан, иқлим тизими, газ педали ва трансмиссия махсус режимда ишлайди. Мутахассиснинг сўзларига кўра, сиз рулни ҳам ўзингизга мос равишда созлашингиз мумкин.
Спорт режими Eco режимига умуман ўхшамайди. Унинг вазифаси максимал динамикани таъминлашдан иборат. Двигатель сезгирроқ бўлади, айланиш тезлашади, шунингдек, узатмалар қутиси яхшироқ ишлайди.
«My Sense режими ҳақида гапирадиган бўлсак, у режимларнинг барчасини созлаш имконини беради. Сиз керакли элементларнинг конфигурациясини тўплашингиз, ёритиш рангини танлашингиз, рул тизимини ўзингизга мослашингиз мумкин. Ушбу режим автомобилда бошиданоқ қўлланилади», — деб тушунтирди Анатолий Калицев.
Arkana йўлтанламас автомобиль эмас. Шунга қарамай, ушбу автомобилнинг off-road салоҳияти катта. Мисол учун, унинг ердан баландлиги 205 миллиметрни ташкил этади. Шунинг учун у қўшимча ҳимояга муҳтож эмас. Кириш ва чиқиш бурчаклари мос равишда 21 ва 26 даража. Россияда ушбу авромобил M1G тоифасига киритилган.
«Ушбу тоифага фақатгина UAZ ва NIVА автомобиллари киртилган. Эндиликда Arkana моделини ҳам M1G тоифасига оид деб аташимиз мумкин. Шундай қилиб, автомобиль геометрияси ва тўлиқ приводли тизимини инобатга олган ҳолда, Renault Arkana моделини йўлтанламас автомобиллар қаторига киритишимиз мумкин», — дея ўз фикрини давом эттирди эксперт.
Бундан ташқари, Россиянинг «Авторевю» газетаси томонидан тузилган ARCAP автомобиль хавфсизлиги мустақил рейтингида Arkana 4 юлдузни қўлга киритди ва барча coupe кроссоверлар орасида энг юқори натижани кўрсатди.
Renault Kaptur — ёрқин ва оилавий
Renault’нинг яна бир модели — бу Kaptur кроссовери. Автомобильнинг дизайнига алоҳида эътибор қаратилган, у йўлда бошқа автомобиллардан алоҳида ажралиб туради. Kaptur, шунингдек, олд ва орқа диод оптика билан жиҳозланган. Ушбу ёрқин автомобилга асосан 17 дюймли ғилдираклар ўрнатилади. Автомобильнинг асосий хусусияти унинг ранглардир, чунки автомобиль икки рангли кўринишда яратилган. Том ва кузов рангларини бир-бирига мослаштириш мумкин. Замонавий Kaptur модели икки рангда бўяладиган дастлабки автомобиллардан биридир (50 йиллардаги Америка ва совет автомобилларини ҳисобга олмаган ҳолда улар учун кузовни икки хил рангда бўяш оддий ҳол эди). Компания кузов ва томнинг 24 та ранг комбинациясини таклиф этади.
Шуниндек, автомобилга турли хил ёрдамчи электроника мавжуд: ёруғлик датчиклари, ёмғир датчиклари, жуда ёрқин нурда автоматик равишда хиралашадиган электрохромли орқа кўзгу ойнаси.
Renault Duster — жасур ва мардонавор
Машина олдинги иккита моделдаги каби платформада қурилганига қарамай, у бутунлай бошқача хусусиятларга эга. Renault Duster ҳар қандай шароитга тўлиқ тайёр. унинг ердан баландлиги 210 миллиметрни ташкил этади. Энг муҳими, кириш ва чиқиш бурчаклари 30 даражадан ошади. Бу сизга жуда жиддий тўсиқларни енгиб ўтиш имконини беради.
Ушбу машинанинг оғирлиги ҳақида ҳам тўхталиб ўтиш лозим, у жуда кичик. Тўлиқ узатмали Duster’нинг оғирлиги тахминан 1300 килограммни ташкил этади. Бошқа оғирроқ йўлтанламас автомобиллар тиқилиб қолган жойда у ишонч билан ҳаракатни давом эттиради.
«Машина ўзининг ишончли ‘подвеска’ тизими билан харидорларнинг эътиборини қозонган. У ҳаттоки трамплиндан сакраш имконини беради. Ушбу ‘подвеска’ оддий йўлларда юқори даражадаги қулайликни таъминлайди. Автомобиль ҳар қандай нотекисликни ‘ютади’, йўлда ўзингизни янада ишончли ҳис қилиш имконини беради», — дейди Анатолий Калицев.
Йўлтанламас концепциясининг яна бир муҳим элементи унинг тўлиқ приводли узатмасидир. Бу дунёдаги энг муваффақиятли автомобиль тизимларидан бири. Синов учун иккита машина тақдим этилди: бири механик, иккинчиси CVT билан. Шу сабабли, синовчилар иккала узатиш қутисини ҳам синаб кўриш имкониятига эга бўлишди. Агар CVT автомат узатмаси ҳақида гапирадиган бўлсак, у Duster учун махсус ишлаб чиқилган ва йўлтанламас иш режимини таъминлайди. Arkana ва Kaptur моделлари геометрия туфайли Duster каби йўлтанламас хусусиятларга эга эмас. Ушбу режим сизга узоқ вақт давомида узатиш қутисини зўриқтирмасдан гидротрансформаторда ҳаракат қилиш имконини беради.
«Яна бир муҳим элемент — тепаликдан тушиш ассистенти. Одатда бу маркетинг хийласи бўлиб, тугмани босганингизда машина ўзини тормозлайди ва соатига 7 километр тезликда ҳаракатланади. Duster тўлиқ ишлайдиган тизимга эга. Пастга тушиш бурчагига қараб, тезлик тартибга солинади — 5 дан 30 километргача.
Мутахассислар, шунингдек, ҳар уч модель учун умумий бўлган элементлар ҳақида маълумот беришди. Бу кучланиш агрегати ва CVT8 трансмиссияси. Ушбу двигателнинг ютуғи унинг самарадорлигидир. Унинг ишончлилиги турли хил иқлим шароитларида, шу жумладан, Якутияда (-50 даража совуқда) ва Лотин Америкасининг иссиқ мамлакатларида синовдан ўтказилди. Двигатель ва трансмиссия максимал қувватда 1000 соат давомида синалди, яъни автомобиль 40 кун давомида, кунига 24 соат давомида ҳаракат қилди. Duster синовдан муваффақиятли ўтди!
Renault Arkana, Renault Duster ва Renault Kaptur’нинг барча имкониятлари сўнгги тест-драйв давомида синовдан ўтказилди. Йўналиш меҳмонларни шаҳар марказидан янги Оқтош тоғларидаги курортларгача олиб борди. Автомобильлар турли йўл қопламалари ва шароитларида ҳаракатланди. Шу жумладан, ҳақиқий off-road шароитларида ҳам.
Реклама ҳуқуқи асосида.
Изоҳ (0)