Bugun,

  • USD 10940.05
  • RUB 182.26
  • EUR 11121.65

Xitoy Afg‘onistonga 800 ming dozada koronavirusga qarshi vaksina yetkazib berdi, deb yozmoqda “Afghanistan.ru”.

Foto: “Sinxua”

Foto: “Sinxua”

Vaksinalar partiyasini topshirish marosimida Xitoyning Kobuldagi elchisi Van Yu va Afg‘oniston sog‘liqni saqlash vaziri vazifasini bajaruvchi Abdul Bari Umar ishtirok etdi.

Xitoy diplomatining ta’kidlashicha, Pekin Kobulga 3 million dozada COVID vaksinasini yetkazib berishni rejalashtirgan. Shuningdek, Xitoy afg‘onlarga tibbiy asbob-uskunalar, oziq-ovqat va qishki kiyim-kechaklar yetkazib bermoqchi, dedi u.

2021-yilning iyun oyida ham Xitoy Afg‘onistonga 700 ming doza vaksina sovg‘a qilgandi.

Rasmiy statistik ma’lumotlarga ko‘ra, shu kungacha Afg‘onistonda 150 mingdan ortiq odam koronavirus bilan kasallangan, ulardan 7 ming nafari vafot etgan, 140 ming nafari tuzalib ketgan. Shunga qaramay, norasmiy ma’lumotlarda kasallanganlar soni ancha yuqori ekani qayd etilgan.

Bu orada Xalqaro Olimpiya qo‘mitasi (XOQ) ham Afg‘onistonning Olimpiada va Paralimpiya hamjamiyatlariga insonparvarlik yordami uchun 560 ming dollar ajratishini e’lon qildi.

XOQ rahbari Tomas Baxning aytishicha, “Tolibon” afg‘onistonlik sportchilar uchun yordam olishga rozi bo‘lgan. Uning so‘zlariga ko‘ra, mablag‘lar Birlashgan Millatlar Tashkilotining Qochqinlash ishi bo‘yicha oliy komissarligi orqali o‘tkaziladi.

Shuningdek, Bax bugungi kungacha XOQ ko‘magida Afg‘onistondan 300 ga yaqin sportchi evakuatsiya qilingani va bu jarayon davom etayotganini qo‘shimcha qildi.

Afg‘onistonda “Tolibon” hokimiyat tepasiga kelgach, ko‘plab afg‘on sportchilari qo‘llab-quvvatlash va mablag‘ yetishmasligi sababli faoliyatini yakunlashga majbur bo‘lgan. Afg‘oniston ayni paytda jiddiy gumanitar inqirozga yuz tutmoqda. Mamlakatda millionlab odamlar ochlik yoqasida, oziq-ovqat, dori-darmon va boshqa zarur mahsulotlar yetishmovchiligi hukm surmoqda.

Izoh
Asosiy yangiliklar
Mahalliy
“Ularni kim deb atash mumkin?” Sardor Umrzoqov maishatboz rahbarlarni tanqid qildi
Mahalliy
G‘aniyev va Voitov klasterlarga past narxda paxta sotishni xohlamagan fermerlarga bosim o‘tkazilayotganini o‘rganadi
Mahalliy
“Ba’zi hokimlar, vazirlik rahbarlari o‘zlarini go‘yo xonlardek tutib, to‘rachilik kayfiyatiga berilib ketgan” — Sardor Umrzoqov