Futbol bo‘yicha Italiya A Seriyasining 15-turidan o‘rin olgan ikki uchrashuv 1-dekabr, chorshanba kuni bo‘lib o‘tdi.

Foto: Getty Images

“Roma” safarda “Bolonya” bilan bahs yuritdi va kutilmaganda imkoniyatni boy berib qo‘ydi. Uchrashuv taqdirini hal qilib yagona golni mezbonlar yarim himoyachisi Mattias Svanberg 35-daqiqada kiritdi.

Uchrashuvda “Roma”ning o‘zbekistonlik hujumchisi Eldor Shomurodov 52-daqiqada Stefan ash-Shaaravining o‘rniga maydonga tushdi.

Mag‘lubiyatdan keyin “Roma” 25 ochko bilan 5-o‘rinda bormoqda. “Bolonya” esa 24 ochko bilan 7-pog‘onani band etgan.

“Inter” o‘z maydonida “Spetsiya”ni qabul qildi va ishonchli g‘alabani tantana qildi. Milanliklarning gollariga Roberto Galyardini va Lautaro Martines mualliflik qildi.

Mazkur g‘alabadan keyin “Inter”ning ochkolari 34 taga yetdi va 2-o‘ringa ko‘tarildi. Hisobida 11 ochko bo‘lgan “Spetsiya” 17-o‘rindan joy olgan.

A Seriya

15-tur bahslari

1-dekabr, chorshanba

“Bolonya” – “Roma” 1:0

Gol: 1:0 – 35 Svanberg.

“Bolonya” – Skorupski, Medel, Sumaoro, Teate, Xiki, Soriano, Svanberg, Dominges (Vinyato, 90), Olsen (de Silvestri, 80), Arnautovich (Sansone, 17), Barrou (Orsolini, 90).

“Roma” – Ruy Patrisiu, Karsdorp, Smolling, Manchini (Vinya, 73), Rojer, Mxitaryan, Veretu (Kristante, 64), Diavara (Karles Peres, 46), Zanyolo, Abraham, ash-Shaaravi (Shomurodov, 52).

Ogohlantirishlar: Soriano (38), Abraham (45), Karles Peres (59), Zanyolo (72), Skorupski (87), Karsdorp (90), Sansone (90).

“Inter” – “Spetsiya” 2:0

Gollar: 1:0 – 36 Galyardini, 2:0 – 58, penalti Martines.

“Inter” – Handanovich, Dumfris, Dambrozio, Shkrinyar, Dimarko, Perishich, Brozovich (Vesino, 87), Chalxono‘g‘lu (Sensi, 69), Galyardini (Vidal, 87), Korrea (Sanches, 74), Martines (Jeko, 73).

“Spetsiya” – Provedel, Amyan (Ferrer, 46), Erlich, Xristov, Kiver, Sala (Burabiya, 64), Retsa (Bastoni, 46), Kovalenko (Majore, 64), Jasi, Manay, Salsedo (Verde, 69).

Ogohlantirishlar: Manay (31), Martines (44), Kiver (56).