“O‘rgimchak-odam: uyga yo‘l yo‘q” superqahramon haqidagi filmlar davomining rasmiy treyleri e’lon qilindi, deb xabar bermoqda Harper’s Bazaar Kazakhstan nashri. Filmning yangi qismida Piter Parker o‘zining kimligi oshkor etilishiga yo‘l qo‘ymaslik istagini bildirganidan so‘ng dunyodagi bir necha yovuz odamlarga qarshi kurashadi.
Avvalroq yoz oxirlarida filmning birinchi tizeri chiqqandi, shundan so‘ng muxlislar to‘liq treylerni intiqlik bilan kutishayotgan edi.
Marvel kompaniyasi yangi treylerda anchagina sirlarni ochib bergan. Franshizaning ashaddiy muxlislari filmda Elektro, Qumodam, Simbiot, Yashil Goblin va Doktor Strenj kabi ko‘plab tanish chehralarni ko‘rishlari mumkin. Bundan tashqari, film davomida Piter Parkerning sevgilisi rolida Zendaya namoyon bo‘ladi.
Bosh rol ijrochisi Tom Holland oktabrda bergan intervyusida mazkur film uning “O‘rgimchak-odam” franshizasidagi ishtirokining “kulminatsion nuqtasi” bo‘lishi mumkinligini aytgandi. Aktyor, shuningdek, “O‘rgimchak odam: uyga yo‘l yo‘q” filmi u suratga tushgan superqahramon haqidagi eng yaxshi film ekanini ham ta’kidlagan.
Film rejissori Jon Uotts bo‘lib, u trilogiyaning oldingi qismlarini “O‘rgimchak-odam: uyga qaytish” va “O‘rgimchak-odam: uydan uzoqda” filmlari bilan tanilgan.
Filmning Qozog‘istondagi premyerasi 2021-yil 16-dekabrda bo‘lishi rejalashtirilmoqda.
Mavzuga doir:
Izoh (0)