Hande Erchel plastik operatsiya qildirganini inkor qildi, Fahriye Evjen Burak O‘zchivit bilan ajrashishi haqidagi mish-mishga munosabat bildirdi. Turk kinosi yangiliklari

Turk kinosanoatidagi eng so‘nggi yangiliklarni e’tiboringizga havola etamiz.

Burak O‘zchivitning rafiqasi ekanidan tashqari, “Choliqushi” serialidagi ijrosi bilan ma’lum bo‘lgan aktrisa ijodidagi 4 yillik tanaffusdan keyin yana ijodga qaytdi.

“Kosem” serialida suratga tushgan Ekin Koch, ukrainalik qiz bilan uchrasha boshladi. Posta nashrining ma’lum qilishicha, Ekin model va aktrisalik bilan shug‘ullanadigan Irina Lankova bilan tez-tez ko‘rishib turibdi. Ta’kidlanishicha, juftlik 2020-yil “Uyg‘onish: Buyuk Saljuqiy” serialining suratga olish maydonchasida tanishgan.

Fahriye Evjen Burak O‘zchivit bilan ajrashishi haqidagi ma’lumotning noto‘g‘ri ekanini ta’kidladi. Aktrisa jurnalistlar bunday mish-mishni bekorchilik va reytingni ko‘tarish uchun tarqatishini qo‘shimcha qilgan.

Terisining go‘zalligi doimiy ravishda tozalash bilan bog‘liq ekanini aytgan Hande Erchel, plastik jarrohlik qildirgani haqidagi mish-mishlarni inkor qildi. U go‘zalligining mutlaqo tabiiy ekaniga urg‘u bergan.

Neslihan Atagul va uning turmush o‘rtog‘i, o‘z karyerasini yo‘lga qo‘ymoqchi bo‘lgan yoshlarni qo‘llab-quvvatlashga qaror qildi. Juftlik iste’dodli yoshlarni izlab, ularga moddiy yordam beradigan studiyaga asos soldi.

Ayni vaqtda Burak O‘zchivit suratga tushayotgan “Qurilish: Usmon” serialiga germaniyalik Yazmin Beyker kelib qo‘shiladi. Uning 2021—2022-yilgi butun mavsum davomida suratga tushishi kuzatilmoqda.

Burak O‘zchivit va Fahriye Evjenning o‘g‘li Karan taglik reklamasida suratga tushdi. Ma’lum bo‘lishicha, 5 soniya bergan ko‘rinishi uchun unga 500 ming lira (49,900 dollar) to‘langan. To‘lov narxi haqidagi ma’lumot rezonans keltirib chiqargan.

Xonanda Tarkanning birinchi qaylig‘i Bilge O‘zturk, o‘zidan 32 yosh kichkina yigit bilan uchrasha boshlagan.

Birje Akalar “Qabriston” nomli loyihada ishtirok etadi. U suratga tushayotgan “So‘nggi yoz” seriali reytingda past ko‘rsatkichni qayd qilgani sabab, erta tugatilgan edi. Aktrisa reytingga bog‘liqlik yo‘q ekani bois ham raqamli loyihalarda ishtirok etish qulayroq ekanini ma’lum qilgan.