Bugun,

  • USD 11095.31
  • RUB 173.84
  • EUR 10772.44

Liviya milliy armiyasi (LMA) bosh qo‘mondoni, feldmarshal Xalifa Haftar Liviya prezidentligi uchun saylovlarda ishtirok etishini ma’lum qildi, deb xabar beradi “Interfaks”.

Foto: ISS Africa

Foto: ISS Africa

“Saylovlar — mamlakatimiz botib qolgan og‘ir inqirozdan chiqishning yagona yo‘li”, — deydi Haftar o‘z nutqida.

2011-yilda Liviya inqilobi yetakchisi Muammar Kaddafi ag‘darilib, qatl etilganidan so‘ng, Liviyada yagona boshqaruv organi tuzishga muvaffaq bo‘linmadi. Mamlakatda qo‘shhukumat o‘rnatildi: bir tomondan, Birlashgan Millatlar Tashkiloti tan olgan bosh vazir Faiz Sarraj boshchiligidagi Milliy kelishuv hukumati (MKH), boshqa tomondan, Haftar tomonidan qo‘llab-quvvatlangan bosh vazir Abdulla Abdurrahmon at-Tani boshchiligidagi muvaqqat hukumat.

Liviya mojarosi tomonlari bir necha yil davomida xorij kuchlaridan yordam olib kelgan. Xususan, Xalifa Haftarning Liviya milliy armiyasiga “Vagner” xususiy harbiy kompaniyasi yordam bergan. Turkiya o‘zining harbiy maslahatchilarini Haftarga qarshi turgan Liviya milliy kelishuv hukumatiga yordamga jo‘natib turgan. Shuningdek, Anqara tashabbusi bilan Liviyaga Suriyadan yollanma askarlar tashlangani to‘g‘risida ma’lumotlar mavjud. Uzoq vaqtdan beri davom etayotgan qurolli mojaro davomida Haftar ham Milliy kelishuv hukumati ham g‘alabaga erishmagan. Natijada Liviya siyosiy kelishuv tomon harakatlana boshladi.

Qarama-qarshilik 2020-yilning oktabr oyigacha davom etdi. O‘shanda MKH va LMA bo‘linmalarining besh nafardan harbiy xizmatchisini o‘z ichiga olgan qo‘mita a’zolari Jenevada sulh bitimini imzoladi.

Fevral oyida Shveysariyada BMT huzurida o‘tkazilgan Liviya siyosiy muloqoti forumi davomida yagona hukumat va davlat rahbari vazifasini bajaruvchi prezident kengashi saylandi. Kengashga Liviyada dekabr oyida o‘tkaziladigan prezident va parlament saylovlariga tayyorgarlik ko‘rish va ularni o‘tkazish vazifasi yuklatildi.

Izoh
Asosiy yangiliklar
Mahalliy
Virtual kartalar nima va ulardan qanday qilib to‘g‘ri foydalanish mumkin?
Dunyo
Twitter ofisida xodimlar uchun karavotlar paydo bo‘ldi, Ilon Mask avvalroq me’yoridan ortiqcha ish bo‘lishi haqida ogohlantirgandi
Mahalliy
Xorazmda ikki kishi is gazidan vafot etdi