Tashqi mehnat migratsiyasi agentligi tomonidan 2021-yilning 10 oyi davomida xorijiy davlatlarda ishga joylashtirilgan O‘zbekiston fuqarolari haqida ma’lumot berildi.
Unga ko‘ra, agentlik tomonidan 91 958 nafar fuqaro xorijiy davlatlarda ishga joylashtirilgan.
Shundan:
- 84 574 nafari Rossiyaga;
- 6 197 nafari Qozog‘istonga;
- 1 174 nafari Janubiy Koreyaga (E-8 vizasi va mehnat shartnomalarini qayta tiklash hisobiga);
- 7 nafari BAAga;
- 2 nafari Turkiyaga;
- 2 nafari Polshaga;
- 2 nafari boshqa davlatlarga.
Bundan tashqari, 5 ming 984 nafar mehnat migrantiga bir martalik moddiy yordam ajratilgan, 308 nafar mehnat migranti vaqtincha hostelga joylashtirilgan, xorijda vafot etgan 361 nafar fuqaro jasadi olib kelingan, 408 nafar xorijda qiyin ahvolda qolgan fuqarolar qaytarilgan, og‘ir tan jarohati olgan 12 nafar mehnat migrantining tibbiy xizmat xarajatlari qoplab berilgan.
Mehnat migrantlarining ish beruvchilar tomonidan to‘lanmay turgan qariyb 892,1 ming dollar miqdoridagi ish haqqi va pullik kompensatsiyalari undirib berilgan.
Mavzuga doir:
- “Biz Rossiyaga qullarni jo‘natmayapmiz, yaxshi ishlarni beruvchilar bilan shartnoma qilyapmiz” — Bandlik va mehnat munosabatlari vazirligi
- Tashqi mehnat migratsiyasi agentligi Yaponiyada ishlash istagidagi tikuvchi ayollar uchun vakansiya e’lon qildi
- O‘zbekistondan Janubiy Koreyaga mehnat migrantlarini qabul qilish jarayoni noyabr oyi oxirida tiklanadi
Izoh (0)