Rossiyada COVID-19 bilan kasallanish holatlari keskin ortgani munosabati bilan 28-oktabrdan boshlab poytaxt Moskvada lokdaun va ishlanmaydigan kun rejimi joriy etildi. Xususan, kafe va restoranlar faqat olib ketish va yetkazib berish rejimida xizmat ko‘rsatadi. Poytaxt aholisi va mehmonlari lokdaunga to‘g‘ri kelgan birinchi kalendar dam olish kunini qanday o‘tkazgani haqida “RBK” fotoreportaj tayyorladi.

Rossiya prezidenti Vladimir Putinning qaroriga ko‘ra, 30-oktabrdan mamlakatda federal darajada ishlanmaydigan kunlar boshlandi. Epidemiologik vaziyat keskin tus olgan viloyatlarda ishlanmaydigan haftalikni oldinroq joriy etishga ruxsat berilgan. Xususan, Moskva meri Sergey Sobyanin ishlanmaydigan haftalikni 28-oktabrdan boshlash borasidagi qarorni imzolagan.

Shunday qilib, Moskvada 7-noyabrga qadar kinoteatrlar, hayvonot bog‘lari, hammomlar, sport zallari, savdo markazlari, sartaroshxonalar, avtoservislar, stomatologik kabinetlar (favqulodda yordam ko‘rsatish bundan mustasno) ishlamaydi. Ishlanmaydigan kunlar davomida maktablarda ta’til e’lon qilingan, shuningdek, madaniy va sport tadbirlarini o‘tkazish to‘xtatilgan. Rasmiylar odamlarga oilasi va yaqinlari bilan birga bo‘lishni, uydan chiqmaslikni yoki dala hovliga jo‘nab ketishni tavsiya qilmoqda.

Qizil maydon

“Nikolskaya” ko‘chasi

“Oxotniy Ryad” ko‘chasi

“Noviy Arbat” ko‘chasi

Xalq xo‘jaligi yutuqlari ko‘rgazmasi

“Smolenskaya” metro bekati

“Oxotniy Ryad” ko‘chasi

Gorkiy parki

Gorkiy parki

“Manejnaya” maydoni

Xalq xo‘jaligi yutuqlari ko‘rgazmasi

Pushkin maydonidagi McDonald’s

Xalq xo‘jaligi yutuqlari ko‘rgazmasi