Bugun,

  • USD 11095.31
  • RUB 173.84
  • EUR 10772.44

Iroq razvedka bo‘linmalari mamlakat g‘arbidagi Anbar viloyati cho‘lida IShID yetakchilaridan birini yo‘q qildi. Bu haqda Iroq Qurolli kuchlari qo‘mondoni vakili Yahyo Rasulga tayanib, “TASS” xabar berdi.

Foto: ANNA News

Foto: ANNA News

Yahyo Rasulning ma’lum qilishicha, Anbar viloyatidagi Er-Rutba cho‘lida joylashgan Al-Kazaf va Jalabat vodiylarida maxsus operatsiya o‘tkazilgan. IShID to‘dalarining mag‘lubiyatidan so‘ng, qochishga ulgurmagan yetakchilardan biri Abu al-Baraa Iroq razvedka xodimlari tomonidan yo‘q qilingan. Bundan tashqari, xavfsizlik kuchlari radikallarning uchta boshpanasini vayron qilgan.

IShID jangarilari 2014-yilning yozida Iroq hududining uchdan bir qismini egallab olgan edi. O‘sha yilning iyun oyida ular mamlakatning ikkinchi yirik shahri Mosulni egallab, uni xalifalik deb atalgan davlatning poytaxti deb e’lon qildi. 2015-yilda xalqaro koalitsiya ko‘magida Iroq hukumat kuchlari IShID tomonidan bosib olingan hududlarni ozod qilish bo‘yicha keng ko‘lamli kampaniya boshladi. 2017-yilning dekabrida Iroqning o‘sha paytdagi bosh vaziri Haydar al-Obodiy IShIDning yakuniy mag‘lubiyatini e’lon qilgan.

Biroq xavfsizlik kuchlari mamlakatning turli hududlarida huquq-tartibot idoralari xodimlari, armiya va tinch aholi vakillariga hujumlar uyushtirayotgan terrorchilarni yo‘q qilish bo‘yicha operatsiyalarni davom ettirmoqda.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

Izoh
Asosiy yangiliklar
Mahalliy
Bir necha kundan buyon hukm surayotgan qorli ob-havoda o‘zbekistonliklar yasagan qorbobolar — suratlarda
Sport
Matbuot anjumani vaqtida mushukni uloqtirib yuborgan Braziliya terma jamoasi rasmiysi tanqidlarga uchradi (video)
Dunyo
Lukashenko “kuchsiz Mercedes” tufayli YOII sammitiga piyoda keldi (video)