Hind kinosanoati vakillarining filmografiyasi kishini hayratga soladi. Karyerasini boshlaganiga ko‘p bo‘lmagan Varun Dxavan, Ranvir Singx, Sidxart Malxotra singari aktyorlar 20 va 30 dan ortiq filmlardagi rollari bilan maqtanishi mumkin. Ammo bu hali hammasi emas. Bollivudning 100, 300 hatto 500 dan ko‘p loyihalarda ko‘rinish bergan yulduzlari ham bor.
Jitendra
Jitendra ilk bor 1959-yil “Navrang” nomli kartinada rol ijro qilgan. Ishtirokidagi so‘nggi loyihalar “Ona”, “Biron nima de” nomli filmlar 2000-yillarning boshlarida ekran yuzini ko‘rgan. 40 yildan ortiq vaqtdan buyon faol ishlaydigan aktyorning arsenalida 222 dan ortiq film bor.
Amitabx Bachchan
Kasbiga bo‘lgan sevgisi va ijro mahorati bilan mashhur bo‘lgan Amitabx Bachchan 79 yosh ekaniga qaramay, hali ham filmlarda faol suratga tushadi. 2021-yilda uning ishtirokidagi ikki film: “Tumor” va “Yuz”ning taqdimoti bo‘lishi rejalashtirilgan. U bugungi kunga qadar jami 239 ta filmda rol ijro qilgan.
Dharmendra
“Zita va Gita”, “Qasos va qonun”, “Alibobo va qirq qaroqchi” singari filmlardagi roli bilan yaxshi tanish bo‘lgan aktyor 42 yillik karyerasi davomida 292 ta loyihada ishtirok etgan. Ulardan 35 tasida rafiqasi Xema Malini bilan birga suratga tushgan.
Rajesh Kxanna
Karyerasini 1966-yilda suratga tushishdan boshlagan aktyor 2010-yilga qadar faol ijod qilgan. U 165 dan ortiq mashhur filmda katta-kichik rollarni ijro qilgan.
Salmon Xon
Aktyor karyerasini 1988-yilda “Turmush o‘rtoq” filmida suratga tushishdan boshlaganiga qaramay, mehnatsevarligi va mahorati sabab a’lo natijaga erishgan. 55 yashar aktyor bugungi kunga qadat 130 ta filmda suratga tushgan. Ulardan aksariyatida Salmon Xon asosiy qahramonni gavdalantirgan.
Shakti Kapur
Shakti Kapur esa suratga tushgan filmlari soni bo‘yicha ro‘yxatdagi aktyorlarni ortda qoldirdi. U karyerasi davomida 550 dan ortiq filmda ishtirok etgan. 1984-yilning o‘zida u 13 ta filmda rol ijro qilgan. “Sevgi”, “Uslub”, “Ont”, “Uy”, “Sovg‘a” va “Dushmanlar” shular jumlasidan.
Izoh (0)