Ҳинд киносаноати вакилларининг фильмографияси кишини ҳайратга солади. Карьерасини бошлаганига кўп бўлмаган Варун Дхаван, Ранвир Сингх, Сидхарт Малхотра сингари актёрлар 20 ва 30 дан ортиқ фильмлардаги роллари билан мақтаниши мумкин. Аммо бу ҳали ҳаммаси эмас. Болливуднинг 100, 300 ҳатто 500 дан кўп лойиҳаларда кўриниш берган юлдузлари ҳам бор.
Житендра
Житендра илк бор 1959 йил «Навранг» номли картинада рол ижро қилган. Иштирокидаги сўнгги лойиҳалар «Она», «Бирон нима де» номли фильмлар 2000 йилларнинг бошларида экран юзини кўрган. 40 йилдан ортиқ вақтдан буён фаол ишлайдиган актёрнинг арсеналида 222 дан ортиқ фильм бор.
Амитабх Баччан
Касбига бўлган севгиси ва ижро маҳорати билан машҳур бўлган Амитабх Баччан 79 ёш эканига қарамай, ҳали ҳам фильмларда фаол суратга тушади. 2021 йилда унинг иштирокидаги икки фильм: «Тумор» ва «Юз»нинг тақдимоти бўлиши режалаштирилган. У бугунги кунга қадар жами 239 та фильмда рол ижро қилган.
Дҳармендра
«Зита ва Гита», «Қасос ва қонун», «Алибобо ва қирқ қароқчи» сингари фильмлардаги роли билан яхши таниш бўлган актёр 42 йиллик карьераси давомида 292 та лойиҳада иштирок этган. Улардан 35 тасида рафиқаси Хема Малини билан бирга суратга тушган.
Ражеш Кханна
Карьерасини 1966 йилда суратга тушишдан бошлаган актёр 2010 йилга қадар фаол ижод қилган. У 165 дан ортиқ машҳур фильмда катта-кичик ролларни ижро қилган.
Салмон Хон
Актёр карьерасини 1988 йилда «Турмуш ўртоқ» фильмида суратга тушишдан бошлаганига қарамай, меҳнатсеварлиги ва маҳорати сабаб аъло натижага эришган. 55 яшар актёр бугунги кунга қадат 130 та фильмда суратга тушган. Улардан аксариятида Салмон Хон асосий қаҳрамонни гавдалантирган.
Шакти Капур
Шакти Капур эса суратга тушган фильмлари сони бўйича рўйхатдаги актёрларни ортда қолдирди. У карьераси давомида 550 дан ортиқ фильмда иштирок этган. 1984 йилнинг ўзида у 13 та фильмда рол ижро қилган. «Севги», «Услуб», «Онт», «Уй», «Совға» ва «Душманлар» шулар жумласидан.
Изоҳ (0)