Ташриф буюрувчилар айнан у ерда қарши олингани сабаб ҳам қироллик вакилларига тегишли қароргоҳларда меҳмон кутиладиган хоналарнинг дизайни ва қулайлигига алоҳида эътибор берилади.
Малика Анна, Геткомб боғи
Қиролича Елизаветанинг ягона қизи Аннанинг Глостерширдаги қароргоҳида қулай ва кўримли мебель билан ривожланган шинамгина меҳмонхона мавжуд. Малика ва унинг турмуш ўртоғи Тимоти Лоренс кечаси катта телевизор томоша қилиб вақт ўтказади.
Шаҳзода Гарри ва Меган Марклнинг Монтеситодаги қўрғони
Шаҳзода Гарри ва герцогиня Меган АҚШдаги ҳаёти билан боғлиқ тафсилотларни эълон қилавермайди. Шунга қарамай, мухлислар видео қўнғироқ қайдлари орқали уларнинг Санта-Барбарадаги уйи меҳмонхонасига назар ташлашга муваффақ бўлган. Унда энг биринчи бўлиб, катта оловли камин кўзга ташланади. Мебель ва ўриндиқлар деворга мувофиқ оч рангда эканини кўриш мумкин.
Зара ва Майк Тиндоллнинг Чельтнемдаги уйи
Тиндолларнинг ўзига хос услубдаги меҳмонхонасини полдан шифтгача учта дераза безаб турганини кўриш мумкин. Шунингдек, камин ва дизайнерлик иси ҳисобланган кичкина стол уй кўркига-кўрк қўшиб туради. Уй деворининг ранглари очлиги ва мебелнинг ҳам тўқ ранги танланмагани сабаб меҳмонхона ёруғ ва кенг кўринади.
Нидерландия қироли Виллем-Александр ва қиролича Максиманинг Huis Ten Bosch саройи
«Кўк меҳмонхона» — қироллик оиласига қарашли саройдаги энг ажойиб хоналардан бири. Тинчлантирувчи рангларнинг умумлашмаси, деворлардаги безаклар, юмшоқ стул ва четлари тилла ранг бўлган катта ойна хонани бир вақтни ўзида ҳашаматли ва қулай бўлишига хизмат қилади.
Швеция маликаси Виктория ва шаҳзода Даниелнинг Хагадаги уйи
Швеция маликасининг уйидаги меҳмонхонада қаймоқ ранг, жигарранг ва кул ранг умумлашмасини кўриш мумкин. Замонавий ва қулай мебель, катта кўзгу, камин ва журнал столи уй дизайнидаги ўзига хослик саналади.
Дания қироличаси Маргрете II Фреденсборгдаги кошонаси
Дания монархининг шифтлари баланд меҳмонхонасидаги гул қоғозлар ва мовий рангнинг мужассамлиги ўзига хос дизайнни ташкил этади. Деворлар суратлар, билан безалгани ва юмшоқ мебель тагида гул қоғоз рангида гилам борлиги эътибордан четда қолмайди.
Шаҳзода Уильям ва герцогиня Кетриннинг Кенсингтон саройи
Фотосуратчи шаҳзода Уильям ва герцогиня Кетриннинг Кенсингтон саройидаги меҳмонхонасини, 2016 йил улар Барак ва Мишел Обамани қабул қилганида кадрга муҳрлашга муваффақ бўлган. Оч ранглардан фойдаланилган хона марказида гул қаймоқ ранг мебель борлиги диққатни жалб қилади. Мармардан ишланган камин, ёғочдан ишланган катта эшик ва деворларга осилган суратлар меҳмонхонани безаб туради.
Елизавета II Букингем саройи
Букингем саройидаги «Оқ» меҳмонхонадан унча катта бўлмаган йиғилишларни ўтказишда фойдаланилади. Шунингдек, деворларнинг оқлиги, гиламнинг қизиллиги ва ҳашаматли мебелларнинг тилла ранглигидан ташқари, катта кўзгу ва қандил хонани дарҳақиқат монархларга хос безатилганидан далолат беради.
Греция маликаси Мари-Шанталнинг Нью-Йоркдаги уйи
Малика Мари-Шанталнинг Нью-Йоркда жойлашган уйининг меҳмонхонаси замонавий ва қулай кўринади. Қаймоқ ранг ва кул ранг умумлашган мазкур хонага думалоқ шаклдаги кўзгу, катта ойналар геометрик принтлар туширилган гилам ноодатийлик бағишлаб туради.
Норвегия валиаҳди Хокон ва малика Мэттэ-Маритнинг Скаугумдаги уйи
Норвегия валиаҳдининг меҳмонхонаси китоблар жавонини ўз ичига олиши билан бошқаларникидан фарқ қилади. Ўзига хос дизайндаги қопламаси бор журнал столи ва мармардан ишланган каминдан ташқари хонадаги қандил ва деворга илинган сурат ҳам эътиборни жалб қилади.
Испания қироли Филипп VI ва қиролича Летициянинг Сарсуэладаги саройи
Испания қироли Филипп VI ва қиролича Летициянинг меҳмонхонаси минимал услубда безатилгани билан эътиборга молик. Оч ва ёрқин бўлмаган ранглардан фойдаланилган хонага гилам тўшалгани, юмшоқ мебель борлиги ва деворга сурат илинганини кўриш мумкин.
Изоҳ (0)