Bugun,

  • USD 11095.31
  • RUB 173.84
  • EUR 10772.44

Qashqadaryoda 10 nafar chin yetim fuqaroga bepul uy-joy berildi, Oliy ta’lim muassasalarida o‘qiyotgan 100 nafar talaba qizning kontrakt puli to‘lab berildi. Bu haqda “Daryo” muxbiri ma’lum qildi.

Foto: Otabek Qo‘ldoshev

Foto: Otabek Qo‘ldoshev

Ma’lum bo‘lishicha, viloyat rahbari Zoir Mirzayev Qarshi shahridagi IT-markazida 23-oktabr kuni bir necha yildan beri uysiz yashab kelayotgan chin yetim fuqarolarga bepul uy-joylar kalitini topshirgan. Shuningdek, kam ta’minlangan oila farzandlarining kontrakt puli to‘lab berilganini ma’lum qilgan.

“2004-yildan beri uysiz, ijarama-ijara yashab kelayotgandik. Keyinchalik yotoqxona ham berildi. Ammo baribir o‘z uyimiz bo‘lishini orzu qilardik. Bugun shu orzumiz amalga oshdi”, — deydi 30 yoshli er-xotin Akmal va Nigora.

Akmal Murxabinov hamda Nigora Shaxanovaning aytishicha, ular bundan ikki yil ilgari turmush qurgan bo‘lib, uy-joy olish ilinjida xorijga chiqib, ishlab ham kelgan. Ammo uy sotib olish uchun mablag‘ yig‘olmagan.

Foto: Otabek Qo‘ldoshev

Foto: Otabek Qo‘ldoshev

“Prezident tomonidan imzolangan ‘Yetim bolalar va ota-ona qaramog‘idan mahrum bo‘lgan bolalarni davlat tomonidan qo‘llab-quvvatlashning yangi tizimini joriy etish chora-tadbirlari to‘g‘risida’ qarori ijrosini ta’minlash maqsadida bugun yana 10 nafar chin yetim fuqarolarga shinam xonadonlar kaliti topshirildi. Buning uchun mahalliy budjetdan 1 milliard 737 million so‘m mablag‘ ajratildi”, — deydi viloyat hokimi matbuot kotibi Ahror Sodiqov.

Qarshi davlat universiteti axborot xizmati rahbari Oybek Yusupovning ma’lumot berishicha, kontrakt puli to‘lab berilgan talabalarning 59 nafari viloyatdagi pedagogika universiteti talabalari hisoblanadi.

Qarshi davlat universitetining 4-bosqich talabasi Muhtaram Suvonovaning aytishicha, viloyat hokimligi uning 6 million 412 ming 610 so‘mlik kontrakt pulini to‘lab bergan.

Foto: Otabek Qo‘ldoshev

Foto: Otabek Qo‘ldoshev

“To‘g‘risi, bunday rag‘bat va qo‘llab-quvvatlash shaxsan menga katta kuch beradi. Buning uchun mas’ullarga rahmat”, — deydi Muhtaram Suvonova.

Izoh
Asosiy yangiliklar
Dunyo
Ukraina tashqi ishlar vaziri Putinning “Zelenskiyni o‘ldirmaslik” bo‘yicha bergan va’dasiga munosabat bildirdi
Sport
A Seriya. Eldor Shomurodovning debyut o‘yinida “Spetsiya” o‘zida “Napoli”ga yirik hisobda yutqazdi
Dunyo
Marsdan ham sovuqroq: AQSHda havo harorati tarixiy rekordni yangiladi (video)