“Afg‘onistonning muvaqqat hukumatini tan olish masalasi hozir ko‘rilmayapti” – TIV vakili Furqat Siddiqov

Toshkentdagi Xalqaro media hollda “Markaziy Osiyo yaxshi qo‘shnichilik munosabatlarini o‘rnatish, O‘zbekistonning pragmatik tashqi siyosati” ekspertlar sessiyasi o‘tkazildi.

Unda tashqi ishlar vaziri o‘rinbosari Furqat Siddiqov Afg‘onistonning amaldagi hokimiyatini tan olish masalasiga oydinlik kiritdi.

“Afg‘onistonning muvaqqat hukumatini tan olish masalasi hozir ko‘rilmayapti. Biz faqat Afg‘onistonga gumanitar yordam berish, yuzaga kelishi mumkin bo‘lgan gumanitar inqirozning oldini olish va o‘zaro hamkorlikni tiklash bo‘yicha muzokaralar olib boryapmiz”, – dedi Furqat Siddiqov.

Bundan avval Ismatulla Irgashev Afg‘onistonda toliblar hukumatini tan olish shartlarini ma’lum qilgandi.