Samarqand viloyati hokimi Erkinjon Turdimov viloyatning ikkinchi va to‘rtinchi sektor rahbarlari bilan birga Samarqand shahridagi 144-saylov uchastkasida birinchilar qatorida ovoz berdi, deya xabar bermoqda O‘zA. Avvalroq Andijon viloyati hokimi rafiqasi bilan birga saylovda qatnashgani haqida xabar berilgan edi.
Foto: O‘zA / A.Isroilov
Foto: O‘zA / A.Isroilov
Prezident saylovi — Vatanimiz taraqqiyoti, xalqimiz farovonligini belgilab beradigan siyosiy tadbir. Shu jihatdan bu saylovda ishtirok etish barchamizning konstitutsion huquqimiz, xalqimiz, oilamiz oldidagi burchimizdir, — hokimning so‘zlaridan iqtibos keltirmoqda O‘zA.
Xabar berishlaricha, Samarqand viloyatida 1111 ta saylov uchastkasi tashkil etilgan; viloyatdagi saylovchilarning umumiy soni 2 million 194 ming 392 nafarni, jumladan, birinchi marta saylovda qatnashuvchi yoshlar 151 ming 676 nafarni tashkil etadi.
Izoh (0)