Qarshining “Nasaf” klubi OFK Kubogining yarim finalida 20-oktabr, chorshanba kuni Gonkongning “Li Man” jamoasiga qarshi bahs olib bordi.
Uchrashuv tezkor gol bilan boshlandi, 5-daqiqada Gonkong jamoasi himoyachisi o‘z darvozasiga gol kiritib qo‘ydi. 26-daqiqada esa Husayn Norchayev oradagi farqni ikkitaga oshirdi.
Biroq ikkinchi 45 daqiqalikda “Li Man” futbolchilari ketma-ket 2 ta gol urib, muvozanatni tiklashga muvaffaq bo‘ldi. Birinchi gol himoyachilarning qo‘pol xatosidan keyin kiritilgan bo‘lsa, ikkinchi vaziyatda “ajdarlar” darvozasiga penaltidan gol urildi. 2:2 hisobi uchrashuvning asosiy vaqtida saqlanib turdi. Shundan so‘ng jamoalar g‘olib nomini aniqlash uchun qo‘shimcha bo‘limlarga murojaat qildi. 105+1-daqiqada Andriya Kaluderovich super zarba yo‘llab, qarshiliklarga g‘alaba keltirdi.
Shu tariqa “Nasaf” umumiy hisobda 5 ta gol urilgan OFK Kubogi yarim finalida qiyin g‘alabaga erishib, musobaqa finaliga yo‘l oldi.
Hal qiluvchi o‘yinda “Nasaf” “Al-Muharraq” (Bahrayn) va “Al-Kuvayt” (Kuvayt) juftligi g‘olibi bilan to‘qnash keladi. Mazkur bahs ham 20-oktabr kuni bo‘lib o‘tadi. Final uchrashuvi esa 5-noyabr kuni bo‘lib o‘tadi.
OFK Kubogi
1/2 final bahsi
20-oktabr, chorshanba
“Nasaf” — “Li Man” 3:2
Gollar: 1:0 — 5 avtogol Fernando, 2:0 — 26 Norchayev, 2:1 — 47 Martines, 2:2 — 65 Jose Anhel, 3:2 — 105+1 Kaluderovich.“Nasaf”: 1.Umidjon Ergashev, 4.Husniddin Aliqulov (5.G‘olib G‘aybullayev, 57), 8.Dilshod Saitov (15.Jo‘rabek Mannonov, 102), 10.Bahrom Abdurahimov (99.Andriya Kaluderovich, 78), 19.Husayn Norchayev (7.Doniyor Narzullayev, 107), 20.Suhrob Nurulloyev (50.Shohmalik Komilov, 103), 22.Akmal Mozgovoy, 34.Sherzod Nasrullayev, 77.Oybek Bozorov, 88.Marko Stanoyevich, 92.Umarbek Eshmurodov.
“Li Man” (Gonkong): 88.Yuen Ho Chun, 2.Fernando Resio, 3.Sui Vang Kit, 5.Yu Vay Lim, 10.Jonatan Akosta, 13.Diyego Eli Moreyra, 14.Xose Anxel Martin, 16.Ngan Lok Fung, 26.Vong Chun Ho, 91.Jivanilton Ferreyra Martins, 99.Kim Son Yong (11.Cheng Siu Kvan, 74).
Izoh (0)