Қаршининг «Насаф» клуби ОФК Кубогининг ярим финалида 20 октябрь, чоршанба куни Гонконгнинг «Ли Ман» жамоасига қарши баҳс олиб борди.
Учрашув тезкор гол билан бошланди, 5-дақиқада Гонконг жамоаси ҳимоячиси ўз дарвозасига гол киритиб қўйди. 26-дақиқада эса Ҳусайн Норчаев орадаги фарқни иккитага оширди.
Бироқ иккинчи 45 дақиқаликда «Ли Ман» футболчилари кетма-кет 2 та гол уриб, мувозанатни тиклашга муваффақ бўлди. Биринчи гол ҳимоячиларнинг қўпол хатосидан кейин киритилган бўлса, иккинчи вазиятда «аждарлар» дарвозасига пенальтидан гол урилди. 2:2 ҳисоби учрашувнинг асосий вақтида сақланиб турди. Шундан сўнг жамоалар ғолиб номини аниқлаш учун қўшимча бўлимларга мурожаат қилди. 105+1-дақиқада Андрия Калудерович супер зарба йўллаб, қаршиликларга ғалаба келтирди.
Шу тариқа «Насаф» умумий ҳисобда 5 та гол урилган ОФК Кубоги ярим финалида қийин ғалабага эришиб, мусобақа финалига йўл олди.
Ҳал қилувчи ўйинда «Насаф» «Ал-Муҳаррақ» (Баҳрайн) ва «Ал-Кувайт» (Кувайт) жуфтлиги ғолиби билан тўқнаш келади. Мазкур баҳс ҳам 20 октябрь куни бўлиб ўтади. Финал учрашуви эса 5 ноябрь куни бўлиб ўтади.
ОФК Кубоги
1/2 финал баҳси
20 октябрь, чоршанба
«Насаф» — «Ли Ман» 3:2
Голлар: 1:0 — 5 автогол Фернандо, 2:0 — 26 Норчаев, 2:1 — 47 Мартинес, 2:2 — 65 Жосе Анҳел, 3:2 — 105+1 Калудерович.«Насаф»: 1.Умиджон Эргашев, 4.Ҳусниддин Алиқулов (5.Ғолиб Ғайбуллаев, 57), 8.Дилшод Саитов (15.Жўрабек Маннонов, 102), 10.Баҳром Абдураҳимов (99.Андрия Калудерович, 78), 19.Ҳусайн Норчаев (7.Дониёр Нарзуллаев, 107), 20.Суҳроб Нуруллоев (50.Шоҳмалик Комилов, 103), 22.Акмал Мозговой, 34.Шерзод Насруллаев, 77.Ойбек Бозоров, 88.Марко Станоевич, 92.Умарбек Эшмуродов.
«Ли Ман» (Гонконг): 88.Юен Ҳо Чун, 2.Фернандо Ресио, 3.Суи Ванг Кит, 5.Ю Вай Лим, 10.Жонатан Акоста, 13.Диего Эли Морейра, 14.Хосе Анхель Мартин, 16.Нган Лок Фунг, 26.Вонг Чун Ҳо, 91.Живанилтон Феррейра Мартинс, 99.Ким Сон Ёнг (11.Ченг Сиу Кван, 74).
Изоҳ (0)