Warner Brothers kinokompaniyasining YouTube’dagi kanalida rejissor Mett Rivz tomonidan ishlangan “Betmen” filmining asosiy treyleri e’lon qilindi, deb xabar beradi Esquire.
Kartinada bosh rolni Robert Pattinson ijro etgan. Yangi film sujetiga ko‘ra, aktyor Betmenning yoshlik yillarini ijro etadi — endigina qahramonlik yo‘liga kirgan va oilasi bilan bog‘liq qotilliklar seriyasiga duch kelgan davri, bu vaqtda Gotemda jinoyat va korrupsiya avj olgan.
Treylerda Mushuk ayol (Zoi Kravis) va filmning asosiy yovuz qahramoni Pingvin (Kolin Farrell)ni uchratish mumkin, shuningdek, olovga bardoshli betmobil ham yorqin tasvirlangan. Shu bilan birga, yangi filmda Betmenga qarshi kurashuvchi Pol Dano ijrosidagi qahramonni, komissar Gordon (Jeffri Rayt) va Alfred (Endi Serkis)ni uchratish mumkin.
Film premyerasi 2022-yil 3-mart sanasiga rejalashtirilgan.
Ta’kidlanishicha, rejissor filmni yaratish vaqtida Polanskining “Xitoy dahasi” va Skorsezening “Taksichi kartinalaridan ilhomlangan.
Ma’lumot uchun, 2020-yilning fevralida boshlangan “Betmen” haqidagi film suratga olish jarayoni koronavirus sabab mart oyida to‘xtatilgandi. Sentabrda qayta suratga olish ishlari boshlab yuborilgan. Avvaliga, 2021-yilning iyun oyiga belgilangan film premyerasi keyinroq 2021-yilning 30-sentabriga ko‘chirilgandi.
Mavzuga doir: Ben Afflek Betmen roliga boshqa qaytmasligini bildirdi
Izoh (0)