iPhone 13 egalari akkumulyatorning quvvatlanish belgisi qurilma elektr manbayiga ulanmaganida ham chiqib qolayotganidan e’tiroz bildirmoqda, deb xabar beradi Hi-Tech.Mail.ru.
Foto: Gizchina
Yuzaga kelgan mazkur xatolikni ommaviy deb atab bo‘lmaydi, ammo u bir kishida uchramagan.
Kadrlardan ko‘rish mumkinki, xitoylik foydalanuvchining iPhone’i quvvatlantirgichga ulanmagan, ammo ekranning yuqori o‘ng burchagida belgi baribir turibdi. Ta’kidlanishicha, suratning haqiqiyligiga shubha bildirgan insonlar uchun Xitoyning Weibo ijtimoiy tarmog‘ida holat tasvirlangan video ham e’lon qilingan.
Foto: Gizchina
Yangi iPhone egalari quvvatlantirish borasidagi muammodan tashqari, iOS 15 operatsion tizimida ekran sensori ishlamay qolayotganidan shikoyat qilmoqda. “Oldinlari displeyga bir marta bosish qayta aloqani bergan bo‘lsa, endilikda 4—5 marta bosishga to‘g‘ri kelmoqda”, — deydi manba.
Muammo yangi iPhone’lar bilan birga, iOS 15 ni o‘rnatgan eski modellarga ham taalluqli. Aftidan bu tizim bilan bog‘liq va navbatdagi yangilanish orqali u to‘g‘irlanadi.
Eslatib o‘tamiz, iOS 15 operatsion tizimi iyun oyida dasturchilar uchun mo‘ljallangan WWDS 2921 taqdimotida taqdim etilgandi. Yangilanishga ko‘ra, endilikda kompaniya veb-brauzerda qo‘ng‘iroqqa ulanish uchun havolalar yaratish va ularni kalendarga qo‘shish imkoniyati mavjud. Avvalroq iOS 15 Apple naushniklarining ovozli boshqaruv tizimini buzib qo‘ygani to‘g‘risida xabar berilgandi.
