YouTube’dagi Phone Buff kanali muallifi robotlashtirilgan manipulyator yordamida iPhone 13 Pro Max va Samsung Galaxy S21 Ultra’ning avtonomligini o‘zaro taqqoslab ko‘rdi, deb xabar beradi IXBT.
Internetda tarqalgan ko‘plab ma’lumotlar iPhone 13 Pro Max’ning avtonomligini maqtab, uni rekord darajada uzoq vaqt ishlay oladi deya ta’riflamoqda. Eslatib o‘tamiz, smartfonning akkumulyator sig‘imi sezilarli darajada oshgan va u 4352 mA/soatni tashkil etmoqda. Samsung flagmaniga o‘rnatilgan akkumulyator sig‘imi esa 5000 mA/soatga yetadi.
Apple’ning yangi modeli sinovlarning dastlabki daqiqasidayoq o‘zini ko‘rsatgan: iPhone 13 Pro Max bir soatlik qo‘ng‘iroq rejimida quvvatning 1 foizini sarflagan, uning raqibida ushbu ko‘rsatkich 5 foizni tashkil etdi. Shuningdek, yangi iPhone brauzer va o‘yinlar bilan ishlashda ham sezilarli darajada ustunligini namoyish etgan.
Natijada Apple flagmanining ekrani 12 soat davomida faol ishlay olishi ma’lum bo‘lgan. Samsung Galaxy S21 Ultra esa 9,5 soatga “bardosh” bergan.
Avvalroq amerikalik shifokor iPhone 13 Pro Max’ning kamerasidan ko‘z kasalliklariga tashxis qo‘yishda foydalanib ko‘rgani to‘g‘risida xabar berilgandi.
Izoh (0)