Oila, farzand tarbiyasi bilan birga biznesda karyera qilishni ham uddasidan chiqqan shou-biznes vakillari haqida ma’lumot berib o‘tamiz.
Hilari Daff
Aktrisa ekanidan tashqari xonanda sifatida ham mashhur bo‘lgan Hilarining bir emas naqd ikkita brend: Happy Little Camper (ekologik taglik va salfetkalar) va Veeda (teri parvarishi uchun mo‘ljallangan vositalar)ga asos solganiga ko‘p bo‘lmadi. Bunday qarorga u qizlari Brenk Vayolet va Beyrning dunyoga kelishi munosabati bilan kelgan.
Jessika Alba
“Fantastik to‘rtlik” yulduzi 2012-yildayoq uyda foydalanish uchun mo‘ljallangan buyumlar va terini parvarishlovchi vositalar ishlab chiqaruvchi The Honest Company’ga asos solgan. O‘sha vaqtda qizlari Onor va Xeven 4,5 va 1 yoshda bo‘lgan. O‘g‘li Heys esa 2017-yilda dunyoga kelgan. Alba unga oila, biznes va karyera borasida balansni topish qiyin ekanini ta’kidlagan. “Doimo yon berishga to‘g‘ri keladi. Ammo bolalarimning sog‘ligi va baxti menga hammasidan muhimroq”, — deydi u.
Kayli Jenner
https://www.instagram.com/p/CNlGMPAnymz/
Kylie Cosmetics brendiga 2015-yil Stormining dunyoga kelishidan 3 yil avval asos solingan. Kylie Skin esa 2019-yildan boshlab ishlab chiqarila boshlangan. “Men bu loyiha ustida ishlashni allaqachon boshlagan edim”, — degan Kayli.
Gvinet Peltrou
Eppl va Mozes ismli farzandlarini katta qilayotgan “Oskar” mukofoti sohibasi, sobiq turmush o‘rtog‘i Kris Martin bilan 2008-yilda Goop brendiga asos solgan. Mahsulotlar faqatgina ayollarga mo‘ljallanganiga qaramay, Gvinet biznesda ancha muvaffaqiyatga erishgan.
Kortni Kardashyan
Realiti-shou yulduzi 2021-yilning aprelida Kortni Poosh brendini ishlab chiqarishni yo‘lga qo‘ygan. U qizi Penelopani ana shunday Push deb chaqiradi.
Riz Uizerspun
2012-yil “Emmi” mukofoti sohibasi Pacific Standard nomli prodyuserlik kompaniyasiga asos solgan. Aktrisa shu bilan barobarida Ava, Dikona va Tennesi ismli farzandlar tarbiyasi bilan ham mashg‘ul.
Dryu Berrimor
Oliv va Frenki ismli qizlarni katta qilayotgan Dryu Berrimor, 2013-yilda Flower Beauty nomli kosmetika brendiga asos solgan.
Viktoriya Bekhem
Viktoriya 2018-yilda o‘g‘illari Bruklin, Romeo va Kruz dunyoga kelganidan keyin liboslar ishlab chiqaruvchi kompaniyaga asos solgan. Keyinroq esa qizi Harper tavallud topgan.
Gven Stefani
No Doubt guruhining sobiq solisti, Kingston, Zum va Apolloning onasi katta farzandining tavalludidan keyin 2013-yilda L.A.M.B. nomli kiyimlar brendiga asos solgan.
Sara Jessika Parker
Aktrisa SJP Collection nomli poyabzal ishlab chiqaruvchi brendga asos solganida egizak farzandlari Tabit va Merion 5, o‘g‘li Jeym esa 12 yoshda bo‘lgan.
Izoh (0)