Ўзбекистонда 2021 йилнинг сентябрь ойида истеъмол секторидаги товарлар ва хизматлар ўртача 1,1 фоизга қимматлашди. Бу ҳақда Давлат статистика қўмитаси маълум қилди.
Қайд этилишича, 2021 йил бошидан истеъмол секторида нархларнинг ўсиш даражаси 5,9 фоизни, ўртача ойлик ўсиш даражаси эса 0,6 фоизни ташкил этган.
Йиллик ўсишда истеъмол нархлари индексининг ўсиш даражаси 10,8 фоизга етди. 2021 йил сентябрь ойидаги қисқа муддатли умумий истеъмол нархлари индекси (ИНИ) 2020 йилнинг сентябрь ойидаги кўрсаткичдан 0,3 фоиз бандга, 2019 йилнинг сентябрь ойидаги мос кўрсаткичдан эса 0,2 фоиз бандга паст бўлди.
2021 йил сентябрь ойидаги йиллик умумий ИНИ (2020 йилнинг мос ойига нисбатан) 2020 йилнинг сентябрь ойидаги кўрсаткичдан 0,9 фоиз бандга ва 2019 йилнинг сентябрь ойидаги кўрсаткичдан 5,2 фоиз бандга паст бўлди.
2021 йилнинг январь—сентябрида ушбу кўрсаткич (2020 йилнинг декабрига нисбатан) 2020 йилги мос кўрсаткичдан 0,4 фоиз бандга ва 2019 йил сентябрь ойидаги мос кўрсаткичдан 3,8 фоиз бандга паст бўлди.
2021 йилнинг дастлабки 9 ойи давомида озиқ-овқат маҳсулотлари нархлар ошиши бўйича етакчиликни ушлаб туришда давом этмоқда (6,7 фоиз). Ноозиқ-овқат маҳсулотлари ушбу даврда 4,9 фоизга, хизматлар — 6,1 фоизга қимматлашган.
2020 йилининг сентябрида ҳам учта асосий гуруҳлар орасида йил бошидан нархлар ошиши бўйича етакчилик озиқ-овқат маҳсулотларига (7,5 фоиз) тегишли бўлган бўлса, 2019 йилнинг сентябрида эса етакчи ўрин хизматларга (13,7 фоиз) тегишли бўлган.
Изоҳ (0)