Futbol bo‘yicha Italiya A Seriyasining 5-turidan o‘rin olgan bir qator o‘yinlar 22-sentabr, chorshanba kuni bo‘lib o‘tdi.
“Yuventus” safarda “Spetsiya” maydoniga safar qildi va 3:2 hisobida g‘alaba qozondi. Birinchi bo‘limda jamoalar bittadan gol urib, 1:1 hisobida tanaffusga yo‘l oldi.
Ikkinchi 45 daqiqalik avvalida mezbonlar Janis Antistning goli evaziga hisobda oldinga chiqib olgandi. Biroq keyinchalik “Yuventus” Federiko Kyeza va Matteys de Ligtning faolligi evaziga g‘alabani o‘z tomoniga og‘dirib olishga muvaffaq bo‘ldi.
Shu tariqa “Yuventus” A Seriyaning joriy mavsumidagi ilk g‘alabasini qo‘lga kiritdi va 5 ochko bilan 13-o‘ringa ko‘tarildi. Jamoa bungacha 2 ta mag‘lubiyat va xuddi shuncha durang qayd etgandi.
“Milan” o‘z maydonida “Venetsiya”ni qabul qilib ishonchli g‘alabani qo‘lga kiritdi. Milanliklar safida Braim Dias va Teo Ernandes o‘z nomiga gol yozdirib qo‘ydi.
Uchrashuvlardagi gollar videosini bu yerda tomosha qilish mumkin — havola.
Top-5 ligalar onlayn jadvallari, o‘yinlar taqvimi, to‘purarlar ro‘yxati — ko‘rish.
A Seriya
5-tur bahslari
“Spetsiya” – “Yuventus” 2:3
Gollar: 0:1 – 28 Kin, 1:1 – 33 Jasi, 2:1 – 49 Antist, 2:2 – 66 Kyeza, 2:3 – 72 de Ligt.“Spetsiya”: Zut, Amyan, Nikolau, Xristov, Bastoni, Ferrer, Burabiya (Sala, 77), Madjore (Salsedo, 85), Jasi, Verde (Manay, 77), Antist (Nzola, 77).
“Yuventus”: Shchensni, Danilo, Bonuchchi, de Ligt, De Shilyo (Aleks Sandro, 46), Rabyo (Bernardeski, 67), Bentankur (Lokatelli, 46), Makkenni, Kyeza (Kulusevski, 84), Dibala, Kin (Morata, 59).
Ogohlantirishlar: Nikolau (85), Morata (90), Nzola (90).
“Milan” – “Venetsiya” 2:0
Gollar: 1:0 – 68 Brahim Dias, 2:0 – 82 Ernandes.“Milan” – Menyan, Kalulu, Romanyoli, Gabbiya (Tomori, 59), Ballo-Ture (Ernandes, 59), Florensi (Salemakers, 59), Bennaser, Tonali, Rebich (Pellegri, 74), Rafael Leau, Brahim Dias (Kessie, 81).
“Venetsiya” – Myayenpyaa, Ebuexi (Matssokki, 74), Kaldara, Chekkaroni, Molinaro, Vakka (Tessmann, 81), Perets (Chrnigoy, 53), Buzio, Forte (Anri, 53), Aramu, Yunsen (Okereke, 74).
Ogohlantirishlar: Forte (25), Kaldara (77).
Izoh (0)