Orol dengizi qurishidan eng ko‘p zarar ko‘rgan Mo‘ynoq aholisiga 5 million so‘mdan pul tarqatilmoqda. Bu haqda tuman hokimligi matbuot xizmati xabar berdi.
“Orol dengizi fojiasi oqibatlaridan hammadan ko‘p jabr ko‘rgan Mo‘ynoq tumani xalqi har tomonlama qo‘llab-quvvatlash prezidentimizning e’tiborida”, — deyiladi xabarda.
Bir martalik pul yordami qishloq fuqarolar yig‘inlari kesimida sayyor kassalar orqali, “Xalq banki”ning Mo‘ynoq tuman filiali tomonidan, shuningdek, uylarga avtomashinalarda borib tarqatilmoqda.
Avvalroq Shavkat Mirziyoyev Qoraqalpog‘iston tibbiyot instituti huzuridagi bolalar klinikasini borib ko‘rgani to‘g‘risida xabar berilgandi.
Izoh (0)