Janubiy Afrika Respublikasining bir qator provinsiyalariga sovuq oqim urilib, kamdan kam uchraydigan kuchli qor yog‘ishi holatini keltirib chiqardi. Shuningdek, shimoli-g‘arbdan tezligi soatiga 80 kilometrgacha bo‘lgan kuchli shamollar kirib keldi.
Foto: news24.com
Janubiy yarimsharda hozir qish bo‘lishiga qaramay, bunday ob-havo sharoiti Janubiy Afrika Respublikasiga xos emas. Mahalliy aholi, ayniqsa, bolalar ushbu imkoniyatdan foydalanib, Keyptaundan taxminan 180 kilometr uzoqlikda joylashgan Sires shahri yaqinida tog‘lar va tog‘ cho‘qqilaridagi qordan bahramand bo‘lmoqda.
Bu JARda so‘nggi oylarda yog‘gan birinchi qor emas. Iyul oyining oxirida Afrikaning janubiga haqiqiy qish kelgan. Meteorologlarga ko‘ra, bunga Antarktidadan kelgan siklon sabab bo‘lgan. Shaharlarga qor yog‘ib, termometr ustunlari deyarli munis 10 darajaga tushib ketgan. Shu tariqa JARda eng past harorat bo‘yicha tarixiy rekordlar yangilangan. Sovuq taxminan bir hafta davom etgan.
Avvalroq Antarktidada “yashil qor” paydo bo‘lgani, Meksikada koronavirus shaklidagi do‘l yog‘gani, Qozog‘iston va Qirg‘izistonning ayrim hududlarida saratonda kuchli qor yog‘gani haqida xabarlar berilgandi.
