Dunyo va o‘zbek sportiga oid 24-avgust kunining muhim xabarlari dayjesti bilan tanishing.
O‘zbekiston
Tokioda bo‘lib o‘tadigan Paralimpiya o‘yinlarida O‘zbekiston delegatsiyasining bayroqdori o‘zgardi, deb xabar berdi Turizm va sport vazirligi matbuot xizmati marosim boshlanishiga 4 soat qolganida.
Xabarga ko‘ra, Paralimpiya delegatsiyasi tarkibidagi dzyudochilarda bir nafardan sportchi va murabbiyda koronavirus aniqlangan va shu sababli samolyotda ularga yaqin masofada bo‘lgan bayroqdor parayengil atletikachi Nurxon Qurbonova ehtiyot chorasi sifatida karantinga olingan.
Jahon
Lionel Messi 29-avgust kuni “PSJ” safida debyut qiladi, deb yozmoqda L’Equipe. Shu kuni Parij klubi safarda “Reyms”ga qarshi bahs yuritadi
“Barselona” himoyachisi Samuel Umtiti “Barselona”dan ketmoqchi emas. Marca nashriga ko‘ra, Kataloniya klubi uning xizmatlaridan voz kechib, futbolchiga boshqa jamoalardan bir qator takliflarni taklif etgan. Fransiyalik himoyachi esa barcha takliflarni rad etgan, shuningdek, u jamoa bilan shartnomani bekor qilishga ham rozi emas.
Futbolchi o‘tgan mavsumda jarohati sabab muntazam o‘yin amaliyotiga ega bo‘lmadi: bor-yo‘g‘i 13 ta o‘yin.
“Barselona” himoyachisi Kleman Langle “Roma”ga o‘tishi mumkin. Bu haqda Corriere dello Sport xabar bermoqda. Ushbu transferni rimliklar bosh murabbiyi Joze Mourinyoning shaxsan o‘zi xohlamoqda.
Xabarda aytilishicha, portugaliyalik mutaxassis Langle bilan bog‘langan. Qayd etish o‘rinli, Mourinyo himoyachini o‘tgan yili “Tottenhem”da ham ko‘rishni xohlagandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)