Yangi Zelandiyada bir kishida koronavirus aniqlangach, milliy lokdaun e’lon qilindi, COVID-19 qachon mavsumiy kasallikka aylanadi? Koronaxabarlar

Jons Hopkins universiteti ma’lumotlariga ko‘ra, dunyoda koronavirusga chalinganlar soni 208 603 350 kishiga yetdi, shularning 4 382 401 nafari vafot etgan. Kasallanganlar soni bo‘yicha AQSh (37 million), Hindiston (32,2 million), Braziliya (20,4 million), Fransiya (6,58 million) va Rossiya (6,55 million) eng oldinda bormoqda.

Shuningdek, ayni paytgacha butun dunyo bo‘ylab 4,7 milliarddan ortiq dozada vaksinalar qo‘llanilgan.

Yangi Zelandiyada qariyb olti oy mobaynida birinchi marta mamlakat ichida COVID-19 bilan kasallanish holati aniqlangani tufayli, 18-avgust kuni yarim tundan karantinga kirdi.

Lokdaun butun mamlakat hududida uch kun, kasallangan shaxs yashaydigan Oklend shahrida va u dam olish kunlari borib kelgan Koromandelda yetti kun davom etadi.

Xabarlarga ko‘ra, u 58 yoshli erkak bo‘lib, hali vaksina olmagan va emlanish uchun navbatda turibdi. Koronavirusga topshirgan testi musbat natija bergach, u bilan muloqotda bo‘lgan shaxslar aniqlandi, ular ham COVID-19’ni yuqtirgani ma’lum bo‘ldi. Oxir-oqibat mamlakatda kasallanganlar soni besh kishiga yetdi. Ularning barchasi delta shtamm bilan og‘rigan.

Yangi Zelandiyada cheklovlarning eng keskin, to‘rtinchi darajasi e’lon qilindi. Endi odamlar faqat o‘ta zarur hollardagina uyidan chiqishi mumkin, masalan, do‘kon yoki dorixonaga borish, tibbiy yordam olish, o‘z tumanida ochiq havoda sport bilan shug‘ullanish uchun. Barcha jamoat yig‘ilishlari va ommaviy tadbirlar bekor qilinib, hamma tashkilotlar yopilmoqda (aholiga zarur xizmatlarni ko‘rsatadiganlaridan tashqari), o‘quv mashg‘ulotlari to‘xtatilmoqda.

Yangi Zelandiyada jami 2926 kishida COVID-19 qayd etilgan, shularning 26 nafari vafot etgan, 2857 nafari sog‘aygan va 43 nafari ayni paytda davolanmoqda. Rasmiy ma’lumotlarga ko‘ra, 43 ta holatning hammasi mamlakat ichida emas, chegarada aniqlangan. So‘nggi marta mamlakat ichida virus yuqtirish holati 28-fevralda qayd etilgan edi.

“Agar jamoaviy immunitetga erishishga muvaffaq bo‘linsa, virus kamroq o‘zgarishni boshlaydi, chunki u faqat immunitet bo‘lmagan organizmda mutatsiyaga uchraydi, jamoaviy immunitet degani esa 80 foiz demakdir”, — dedi u.

Uning so‘zlariga ko‘ra, koronavirus haqidagi asosiy ma’lumotlar olinib bo‘lgan, biroq virus doimiy ravishda o‘zgarib bormoqda va bu uni yana qo‘shimcha o‘rganishni talab qilmoqda. COVID-19 mutatsiyaga uchraganida yangi xususiyatlarga ega bo‘ladi, shuning uchun ko‘pchilik mamlakatlarda bir-biridan tamoman farq qiladigan turli genotiplarning aylanishi doimiy kuzatib borilmoqda, dedi Gorelov.

Federal tergovchilar Tangtang Chjaoga 12 ta banddan iborat ayblov e’lon qildi, ularning har biri o‘n yilgacha qamoq va 250 ming dollar jarimani ko‘zda tutadi.

Sud hujjatlariga ko‘ra, erkak AQSh Kasalliklar nazorati va profilaktikasi markazlari tomonidan beriladigan vaksinatsiya sertifikatlaridan 125 tasini sotganlikda ayblanmoqda. U sertifikatlarni 2021-yilning martidan apreligacha eBay internet-do‘konida sotgan. U har bitta blanka uchun o‘n dollar so‘ragan va shu tariqa 1270 dollardan ortiq pul ishlab olgan.

Tergovchilar fikricha, Chjao sertifikatlarni o‘zi ishlaydigan dorixonadan o‘g‘irlagan. U sudda o‘z aybini tan olmadi.

FQB maxsus agenti Emmerson Byui Chjaoning xatti-harakatlarini COVID-19’ga qarshi kurashda o‘z hissasini qo‘shayotganlar uchun haqorat deb atadi.

Shuningdek, bir kunda 625 kishi virus oqibatida vafot etdi, jami o‘limlar 99 108 taga yetdi.

Jami aholisi qariyb 83 millionni tashkil etuvchi mamlakatda hozirgi vaqtgacha koronavirusga nisbatan 27,3 milliontadan ortiq test topshirilgan.