Жонс Ҳопкинс университети маълумотларига кўра, дунёда коронавирусга чалинганлар сони 208 603 350 кишига етди, шуларнинг 4 382 401 нафари вафот этган. Касалланганлар сони бўйича АҚШ (37 миллион), Ҳиндистон (32,2 миллион), Бразилия (20,4 миллион), Франция (6,58 миллион) ва Россия (6,55 миллион) энг олдинда бормоқда.
Шунингдек, айни пайтгача бутун дунё бўйлаб 4,7 миллиарддан ортиқ дозада вакциналар қўлланилган.
Янги Зеландияда қарийб олти ой мобайнида биринчи марта мамлакат ичида COVID-19 билан касалланиш ҳолати аниқлангани туфайли, 18 август куни ярим тундан карантинга кирди.
Локдаун бутун мамлакат ҳудудида уч кун, касалланган шахс яшайдиган Окленд шаҳрида ва у дам олиш кунлари бориб келган Короманделда етти кун давом этади.
Хабарларга кўра, у 58 ёшли эркак бўлиб, ҳали вакцина олмаган ва эмланиш учун навбатда турибди. Коронавирусга топширган тести мусбат натижа бергач, у билан мулоқотда бўлган шахслар аниқланди, улар ҳам COVID-19’ни юқтиргани маълум бўлди. Охир-оқибат мамлакатда касалланганлар сони беш кишига етди. Уларнинг барчаси дельта штамм билан оғриган.
Янги Зеландияда чекловларнинг энг кескин, тўртинчи даражаси эълон қилинди. Энди одамлар фақат ўта зарур ҳоллардагина уйидан чиқиши мумкин, масалан, дўкон ёки дорихонага бориш, тиббий ёрдам олиш, ўз туманида очиқ ҳавода спорт билан шуғулланиш учун. Барча жамоат йиғилишлари ва оммавий тадбирлар бекор қилиниб, ҳамма ташкилотлар ёпилмоқда (аҳолига зарур хизматларни кўрсатадиганларидан ташқари), ўқув машғулотлари тўхтатилмоқда.
Янги Зеландияда жами 2926 кишида COVID-19 қайд этилган, шуларнинг 26 нафари вафот этган, 2857 нафари соғайган ва 43 нафари айни пайтда даволанмоқда. Расмий маълумотларга кўра, 43 та ҳолатнинг ҳаммаси мамлакат ичида эмас, чегарада аниқланган. Сўнгги марта мамлакат ичида вирус юқтириш ҳолати 28 февралда қайд этилган эди.
Мавзуга доир: Коронавирус пандемиясига қарши энг самарали кураш олиб бораётган давлатлар рейтинги тузилди
«Агар жамоавий иммунитетга эришишга муваффақ бўлинса, вирус камроқ ўзгаришни бошлайди, чунки у фақат иммунитет бўлмаган организмда мутацияга учрайди, жамоавий иммунитет дегани эса 80 фоиз демакдир», — деди у.
Унинг сўзларига кўра, коронавирус ҳақидаги асосий маълумотлар олиниб бўлган, бироқ вирус доимий равишда ўзгариб бормоқда ва бу уни яна қўшимча ўрганишни талаб қилмоқда. COVID-19 мутацияга учраганида янги хусусиятларга эга бўлади, шунинг учун кўпчилик мамлакатларда бир-биридан тамоман фарқ қиладиган турли генотипларнинг айланиши доимий кузатиб борилмоқда, деди Горелов.
Мавзуга доир: COVID-19 мавсумий шамоллашга айланиб қолади, Эронда коронавирусдан ўлимлар бўйича рекорд қайд этилди. Коронахабарлар
Федерал терговчилар Тангтанг Чжаога 12 та банддан иборат айблов эълон қилди, уларнинг ҳар бири ўн йилгача қамоқ ва 250 минг доллар жаримани кўзда тутади.
Суд ҳужжатларига кўра, эркак АҚШ Касалликлар назорати ва профилактикаси марказлари томонидан бериладиган вакцинация сертификатларидан 125 тасини сотганликда айбланмоқда. У сертификатларни 2021 йилнинг мартидан апрелигача eBay интернет-дўконида сотган. У ҳар битта бланка учун ўн доллар сўраган ва шу тариқа 1270 доллардан ортиқ пул ишлаб олган.
Терговчилар фикрича, Чжао сертификатларни ўзи ишлайдиган дорихонадан ўғирлаган. У судда ўз айбини тан олмади.
ФҚБ махсус агенти Эммерсон Бюи Чжаонинг хатти-ҳаракатларини COVID-19’га қарши курашда ўз ҳиссасини қўшаётганлар учун ҳақорат деб атади.
Эронда бир кеча-кундузда касалланганлар сони бўйича антирекорд қайд этилди. 17 август ҳолатига, ўтган бир суткада 50 228 кишида коронавирус аниқланди ва мамлакатда жами касалланганлар сони 4 517 243 кишига етди.Шунингдек, бир кунда 625 киши вирус оқибатида вафот этди, жами ўлимлар 99 108 тага етди.
Жами аҳолиси қарийб 83 миллионни ташкил этувчи мамлакатда ҳозирги вақтгача коронавирусга нисбатан 27,3 миллионтадан ортиқ тест топширилган.
Изоҳ (0)