Futbol bo‘yicha Germaniya Superkubogidan o‘rin olgan o‘yinda “Bavariya” 17-avgust, seshanba kuni “Borussiya D” bilan kuch sinashdi.
Dortmundda kechgan bellashuv “Bavariya”ning 3:1 hisobidagi g‘alabasi bilan yakunlandi. Myunxen klubi safida Robert Levandovski dublga erishdi. Polshalik hujumchi, shuningdek, Tomas Myullerning goliga assistentlik qildi. “Arilar”ning javob to‘piga esa Marko Roys mualliflik qildi.
“Bavariya” o‘z tarixida 9-marta Germaniya Superkubogini qo‘lga kiritdi. Bu myunxenliklarning yangi ustozi Yulian Nagelsmann uchun klub boshqaruvidagi ilk sovrin bo‘ldi.
Germaniya Superkubogi
17-avgust, seshanba
“Borussiya D” — “Bavariya” 1:3
Gollar: 0:1 – 41 Levandovski, 0:2 – 49 Myuller, 1:2 – 64 Roys, 1:3 – 74 Levandovski.“Borussiya D”: Kobel, Passlak (Volf, 84), Shults, Akanji, Bellinghem (Reynyer, 84), Vitsel, Daud, Reyna (Pashalich, 78), Roys, Mukoko (Malen, 58), Holand.
“Bavariya”: Noyer, Stanishich (Sarr, 87), Upamekano, Devis, Zyule, Goretska, Kimmix, Myuller (Musiala, 73), Koman (Sane, 49), Levandovski (Shupo-Moting, 88), Gnabri (Tolisso, 73).
Ogohlantirishlar: Zyule (23), Roys (25), Daud (32), Sane (83).
Izoh (0)