Bugun,

Toshkentda

+13°C

USD 11095.31
RUB 173.84
EUR 10772.44

Mahalliy

14.08.2021, 23:55

38424

Toshkentda uchrashgan jahon chempionlari, o‘rmon yong‘inlaridan xalos bo‘lgan Turkiya, Kuvaytdagi shinalar qabristoni. Hafta suratlari

Haftda davomida O‘zbekiston va dunyo bo‘ylab olingan sara suratlarni namoyish etamiz.

Frankfurt bog‘idagi bo‘ritaroq (gibiskus) guliga qo‘nib turgan pahmoq ari (bamblbi).

“Zakovat-Gambit” shaxmat turniri finalining ilk kuni. Suratda: Shaxmat bo‘yicha Jahon chempionlari hindistonlik grossmeyster Vishvanatan Anand va o‘zbekistonlik grossmeyster Rustam Qosimjonov.

Mavzuga doir: “Urinib ko‘rsam, itimga ham grossmeysterlik unvonini olib berishim mumkin”. Shaxmatdagi qing‘irliklar, darajasi tushib ketgan unvon va 12 yoshli grossmeysterlar haqida

Sitsiliyada Etna vulqonining otilishi.

Zamonamiz qahramonlari — koronavirusga qarshi kurashayotgan shifokorlar sharafiga yaratilgan tasviriy san’at asari (mural). Toshkent shahri, Yangi Sergeli va Lutfkor ko‘chalari kesishmasi.

Kanadaning Monreal shahrida issiqdan saqlanayotgan qushcha.

Toshkent viloyati, Bo‘stonliq tumanidagi Ugam daryosida cho‘milayotgan bolalar.

Mavzuga doir: Hayratlanarli darajada chiroyli O‘zbekiston: dengiz sathidan 3 ming metr balandlikdagi Arashan ko‘llariga sayohat (foto va video)

Germaniyaning Vechta shahridagi dalada yurgan kiyik.

Jizzax dovonida sotilayotgan qurt va asal mahsulotlari. M-39 magistral yo‘lining G‘allaorol tumanidan o‘tgan qismi.

Mavzuga doir: Qamchiq dovonidan Qozog‘istongacha: Qurut tayyorlash bilan shug‘ullanuvchi samarqandlik tadbirkor hikoyasi

AQShning Keyp-Kod sohilida quyosh chiqishi.

Sardoba osmonidagi laylak. Sirdaryo viloyati, Sardoba tumani.

Xitoyning Xesho okrugida pomidor quritayotgan fermerlar.

“Samarqand noni”. Katta O‘zbekiston trakt yo‘lining Samarqand shahridan o‘tuvchi qismi

Hindistonning GISAT-1 kuzatuv sun’iy yo‘ldoshi kosmosga uchirildi.

Mavzuga doir: Starlink 2021-yilning sentabrida global internet ta’minotini boshlaydi

Toshkent shahri, Shayxontohur tumani Abdulla Qodiriy nomidagi madaniyat va istirohat bog‘ining bir qismida ko‘p qavatli bino qurilish jarayoni.

Mavzuga doir: Mutaxassislar Toshkentdagi Abdulla Qodiriy bog‘ida Hampton by Hilton mehmonxonasi qurishni qayta ko‘rib chiqishni so‘ramoqda

Nayrobi milliy bog‘idagi zebralar.

Toshkent ko‘chalarida Tokio-2020 Olimpiadasi qatnashchilari va ularni kutayotgan odamlar.

Mavzuga doir: Legionerlar alvido, chempionlarning ustozlariga 40 ming dollar, Parijga kamida 100 ta yo‘llanma olish talabi. Prezident Mirziyoyev Tokio Olimpiadasi ishtirokchilari bilan uchrashuvda nimalar dedi?

Nyu-Yorkda quyosh botishi fonidagi samolyot va Ozodlik haykali.

Izmir qushlar qo‘riqxonasidagi flamingo polaponlari.

Toshkent xalqaro aeroporti yaqinidagi ko‘p qavatli uylardan turib Olimpiada qatnashchilarini kutayotgan odamlar.

Mavzuga doir: Tokio Olimpiadasi sovrindori Bekzod Abdurahmonov va O‘zbekiston bayroqdori Nigora Tursunqulova turmush qurdi

Bir hafta oldin Bog‘lon viloyatidagi yeridan ayrilgan 28 yoshli Farziya besh yoshli Subhon va ikki yoshli Ismoil ismi o‘g‘illari bilan Kobulning Shahr-Nav bog‘idagi vaqtinchalik lagerda o‘rnatilgan chodirda o‘tiribdi. “Tolibon” harakati tomonidan egallab olingan hududlardan qochgan odamlar Kobulga kirib kelmoqda.

Mavzuga doir: “Tolibon” Mozori-Sharifni egalladi. Afg‘oniston hukumat kuchlari O‘zbekiston tomon qochgan, Termizdagi “Do‘stlik ko‘prigi” afg‘on harbiylari bilan to‘la ekani aytilmoqda

Angliyada tepasida ko‘cha rassomi Benksining grafiti tushurilgan avtobus bekatida o‘tirgan odam.

Mavzuga doir: Benksi anonim qolishni istagani sabab so‘nggi 10 oyda oltita kartinasining mualliflik huquqidan ayrildi

Gretsiyaning Govz qishlog‘idagi o‘rmon yong‘inlari yaqinida turgan keksa fuqaro. O‘rmon yong‘inlari sabab Gretsiyaning ikkinchi yirik orolida yashovchi minglab aholi qayiqlarda evakuatsiya qilindi.

Mavzuga doir: “Misli ko‘rilmagan tabiiy ofat”: Gretsiyada o‘rmon yong‘inlari davom etmoqda (foto)

Virjiniya shtatining Manassas shahridagi Ozodlik suv markazidagi havzada suv parisi obrazidagi ayol.

Kuvayt shahridan 160 kilometr uzoqlikda, “Shinalar qabristoni” deb nomlanuvchi foydalanilgan shinalar saqlanadigan poligonning havodan ko‘rinishi. Kuvayt hukumati qariyb 20 yildan beri to‘planib kelayotgan millionlab shinalarni yo‘q qilish uchun ekologik jihatdan zararli bo‘lmagan yechimlarni qidirmoqda.

Turkiyaning Mugla shahri yaqinidagi o‘rmon yong‘inlaridan zararlangan hudud. Turkiyada o‘rmon yong‘inlari butunlay tugagani ma’lum qilindi.

Indoneziyaning Jakarta shahrida Sinovac vaksinasini olish uchun navbatda turgan odamlar.

Mavzuga doir: Vaksina muammosini 20 kishi hal qilishi mumkin, kelasi yilgacha yana 100 mln kishi koronavirusga chalinadi. Koronaxabarlar

Gretsiya poytaxti Afina shimolidagi o‘rmon yong‘inlari avj olgan vaqtda chorva mollari bilan uyini tashlab ketayotgan aholi.

Vashingtondagi harorat 36 darajaga yetganida Yards bog‘idagi sharshara ostida o‘ynayotgan bolalar.

Gretsiyadagi Kastri qishlog‘i yaqinidagi o‘rmon yong‘inining qoldiqlariga suv sepayotgan bolalar.

Hindistonda TejasAsia nodavlat tashkiloti xarobalarda yashovchi bolalar uchun ko‘chma sinf sifatida ishlatadigan “Umid” deb ataluvchi avtobus ichida kulayotgan sakkiz yoshli Gauri.

Avvalgi kunlarning fotogalereyalari:

Izoh(0) Biz Telegram’da

Ulashing:

Izoh

Asosiy yangiliklar

Dunyo

Tojikistonda muzliklar erishi tezlashdi. Bu muzliklar deyarli butun Markaziy Osiyoni chuchuk suv bilan ta’minlaydi

Bugun, 09:52

Mahalliy

Rossiyada sodir bo‘lgan YTHda bir nafar o‘zbekistonlik halok bo‘ldi, yana to‘rt kishi jarohat oldi

Bugun, 10:29

Dunyo

Zelenskiy Putinning hibsga olinishiga berilgan orderni “burilish nuqtasi” deb atadi

Bugun, 10:13