Америкалик олимлар коронавирусга қарши икки вакцина — Moderna ва Pfizer’нинг дельта штаммга қарши самарадорлигини ўрганмоқда. MedRxiv порталида эълон қилинган маълумотларга кўра, Moderna Pfizer’дан самаралироқ бўлиб чиққан. Иккала препарат ҳам Америка компаниялари томонидан ишлаб чиқарилади.
Хабарда янги тиббий тадқиқотлар ҳақида маълумот берилган. Улар энди баҳолаб чиқилади, шунинг учун улардан клиник амалиёт учун қўлланма сифатида фойдаланмаслик кераклиги айтилмоқда.
Тадқиқот Мэйо Клиникаси ёрдамида 50 мингдан ортиқ беморлар иштирокида ўтказилган. Миннесота штатидаги Мэйо клиникаси нотижорат ташкилот бўлиб, у дунёдаги энг йирик хусусий тиббий тадқиқот марказларидан бири.
Тадқиқотчилар коронавируснинг дельта варианти авж олган июль ойида Moderna вакцинасининг вирусга қарши самарадорлиги 76 фоизга тушиб қолганини аниқлади. Йил бошида самарадорлик 86 фоизни ташкил этганди. Тадқиқот маълумотларига кўра, худди шу даврда Pfizer / BioNTech вакцинасининг самарадорлиги ҳам 76 фоиздан 42 фоизгача тушиб кетган.
«Иккаласи ҳам самарали деб ҳисобланса-да, йил бошида Pfizer ёки Moderna олганларнинг барчасини тез орада Moderna билан эмлашга тўғри келиши мумкин», — деди Массачусетс штатининг nference аналитик компанияси ходими, доктор Венки Soundараражан. У Мэйо тадқиқотларига раҳбарлик қилган.
Аввалроқ Жаҳон вакциналар конгрессида Moderna COVID-19’га қарши энг яхши вакцина деб танланганди.
Изоҳ (0)