Bugun,

  • USD 11095.31
  • RUB 173.84
  • EUR 10772.44

AQSh Belarusga qarshi yangi sanksiyalar joriy qildi. Bu haqda Oq uyning rasmiy saytida ma’lumot berildi.

Foto: United States Department of the Treasury

Foto: United States Department of the Treasury
Sanksiyalar ro‘yxati AQSh Moliya vazirligining saytida e’lon qilingan. AQSh Belarusning 23 nafar jismoniy hamda 21 ta yuridik shaxsi, ya’ni mudofaa va energetika sohasi kompaniyalari, ishlab chiqarish sektori korxonalari hamda mamlakat Milliy olimpiya qo‘mitasiga nisbatan cheklovlar o‘rnatdi.

“Men, AQSh prezidenti Jozef Bayden, Belarus boshqaruv rejimining zo‘ravonlik faoliyati, demokratiyaga bosim o‘tkazish harakatlari, inson huquqlari va mamlakatdagi boshqa asosiy erkinliklarga tazyiq o‘tkazgani aniqlangani tufayli mazkur qaror bilan 2006-yil 16-iyundagi 13405-sonli farmondagi favqulodda holat ko‘lamini yanada kengaytiraman”,— deyiladi Oq uy bayonotida.

Shuningdek, xabarda 2020-yil 9-avgustda Belarusda bo‘lib o‘tgan prezidentlik saylovlarining natijalari qalbakilashtirilganidan keyin amaldagi hukumat noqonuniy va zo‘ravonlik siyosatini olib borgan, siyosiy muxolifatni, fuqarolik jamiyati tashkilotlarini yo‘qotish, xalqaro fuqarolik aviatsiyasi qoidalarini buzish va insonlar hayotini xavf ostiga qo‘yish kabi harakatlar amalga oshirilgani qayd etilgan. Bayden bularning hammasi AQSh milliy xavfsizligi hamda tashqi siyosatiga favqulodda tahdid deb hisoblashini bildirgan.

Sanksiyalarning kengaytirilgan ro‘yxatiga quyidagi muassasalar kiritilgan:

  • Belarus Tergov qo‘mitasi;
  • Belarus Milliy olimpiya qo‘mitasi (MOQ)
  • “Belneftgaz”;
  • “Belruskaliy”;
  • “BelKazTrans”;
  • “BelKazTrans Ukraina”;
  • “Absolyutbank”;
  • “Enegro-oyl”;
  • “Novaya neftyanaya kompaniya”;
  • “Dana Holdingz”;
  • “Dana Astra”;
  • Gomel viloyati ijro qo‘mitasining jinoyat qidiruv departamenti;
  • Neftebitum zavodi untar korxonasi;
  • Bremino group;
  • “Belinte-Roba”
  • “Zomeks Investment”;
  • “Inter Tobakko”;
  • “Novaya neftyanaya kompaniya Vostok”;
  • “Interservis”.
Jismoniy shaxslar orasida AQSh sanksiyalariga katta tadbirkorlar va Belarus davlat kompaniyalarining vakillari kiritilgan, xususan, Aleksey Oleksin, Andrey Bunakov, Leonid Churo va boshqalar bor.

Belarus muxolifati vakili Svetlana Tixanovskaya AQSh prezidenti bilan uchrashuvda o‘zining 2020-yilgi saylovlarda g‘alaba qozonganini qayd etib, mamlakatga nisbatan sanksiyalarni kuchaytirishni so‘ragandi. Tixanovskaya Jo Bayden bilan 20-iyulda uchrashgan. Shundan keyin Tixanovskayaning maslahatchisi Franak Vyachorka AQSh davlat departamenti vakillarining Belarus neft mahsulotlari hamda kaliy ishlab chiqarish korxonalariga nisbatan sanksiyalarni ko‘paytirishi mumkinligini ma’lum qilgan. 7-avgustda CNN nashri AQSh kongressidagi manbasiga tayanib, Vashingtonning Minskka nisbatan yangi sanksiyalar joriy qilishi kutilayotganini xabar qilgan.

Tixanovskaya 3-avgustda Buyuk Britaniya bosh vaziri Boris Jonson bilan ham uchrashgan, uchrashuvda ikki tomon Belarusdagi fuqarolik jamiyati, siyosiy mahbuslar va ularning oilalariga, talabalarga, tibbiyot xodimlari, ishchilar va boshqa aholi qatlamlariga yordam berish dasturini muhokama qilgan.

2021-yil iyun oyida ham AQSh Belarusga qarshi sanksiyalarni yanada kengaytirgan, 16 nafar jismoniy shaxs, 5 ta idora va tashkilotga nisbatan cheklovlar joriy qilingandi. Keyinchalik Yevropa Ittifoqi ham Belarusga qarshi yangi sanksiyalar qo‘llagan. Minsk mazkur cheklovlarni iqtisodiy urushga qiyoslagan.

Izoh
Asosiy yangiliklar
Mahalliy
Soliqlar, jarimalar, kommunal va boshqa to‘lovlarni qanday qilib uydan chiqmasdan to‘lash mumkin?
Mahalliy
BAA O‘zbekiston zargarlik sanoatiga investitsiya kiritishi kutilyapti
Dunyo
Zelenskiyning rafiqasi ukrainaliklar chiroqsiz va issiqliksiz yashashga roziligini ma’lum qildi